Wikipedia

Mapi Quintana

cantante y música asturiana

María del Pilar Quintana Bellón (1980, Ḷḷena), más conocida como Mapi Quintana, ye una cantante y música asturiana, considerada un referente de la música jazz n'Asturies.[2][3][4]

Mapi Quintana
Vida
Nacimientu Ḷḷena, 1980[1] (43/44 años)
Nacionalidá España
Estudios
Estudios Conservatoriu d'Ámsterdam
Oficiu cantante, música
Cambiar los datos en Wikidata

Trayectoria

editar

Nació nel conceyu asturianu de Ḷḷena.[5] En 2004, llogró la llicenciatura en cantar jazz pol Conservatoriu d'Ámsterdam y dos años más tarde llogró'l máster nel mesmu centru d'estudios.[5][6][7] Formóse tamién en pianu clásicu nel Conservatoriu del Nalón.[8] En 2006, empezó a enseñar cursos y talleres como profesora de jazz y técnica vocal en países como Países Baxos, Guatemala o Portugal amás de n'España.[7][9][10][11] En 2009, consiguió'l títulu de Profesora de Master Certificada del programa para desenvolver habilidaes vocales, Estill Voice Training.[7]

Collaboró con otres formaciones musicales y con artistes venceyaos al jazz, el folclor y la improvisación como Blima, Aire, Eladio Díaz Folk Ensemble, Michael Lee Wolfe y Jacobo de Miguel, ente otros.[5] Mientres la so estancia nos Países Baxos, collaboró colos grupos Bernie’s Lounge y The Konrad Koselleck.[12] En 2009 llanzó'l so primer discu en solitariu, El sonar de les semeyes.[5] En 2015, xuntu con Elías García Sánchez, llanzó'l discu Severina, nel qu'iguaron cantares tradicionales del conceyu de Ḷḷena que fueren primeramente recuperaes pol investigador Xosé Ambás.[6]

En 2016 fundó'l grupu vocal de jazz Femme Fetén xuntu con ocho voces femenines, ente les que s'inclúin Sonia Cartón, Alba Rodríguez y Susana Sor, toes elles alumnes del cursu qu'ella diera n'El Poblao de Santa Bárbara (Xixón).[10][13] En 2018, xuntu con Federico Lechner creó una versión de West Side Story.[14] Tamién colideró el grupu Tro ZucoLento y fundó'l grupu musical La Maramoniz, nome que naz de l'aldega asturiana La Maramuniz, na que vivía la so güela.[7][15][16]

Foi miembru del Colectivu Asturianu de Jazz, del que foi presidenta.[2][17] En 2014, foi miembru del xuráu del Certame Musical de la Universidá d'Uviéu.[18] En 2022, actuó nel Festival Intercélticu de Lorient.[19][20]

Reconocencies

editar

En 2009, Quintana llogró col so álbum El sonar de les semeyes el Premiu de la Crítica RPA al meyor discu del añu.[21] En 2013, foi reconocida pola so trayectoria musical col premiu Güestia concedíu pol Conceyu de Ḷḷena y la banda de gaites Güestia.[3] Nel mesmu añu, el so discu Severina, que grabó col pianista Elías García, foi nomáu al premiu AMAS al meyor álbum folk.[22] En 2020 foi finalista del Premiu Camareta al Meyor cantar pol Cantar pa durmir un ninín, que terminó ganando Rodrigo Cuevas pola habanera Rambalín, creada n'honor al tresformista Rambal na que Quintana tamién participa al contrabaxu.[23][24]

Referencies

editar
  1. ↑ URL de la referencia: https://www.lavozdeasturias.es/noticia/agora/2023/09/02/mapi-quintana/00031693671836033353480.htm. Data de consulta: 19 ochobre 2023.
  2. ↑ 2,0 2,1 Redacción (2021-04-27). «Mapi Quintana: "Una espresión n'asturianu que me presta ye: Tás como un pirru caza "». Consultáu'l 2022-09-30.
  3. ↑ 3,0 3,1 B, Pola de Lena, C. M. (2013-03-16). «Mapi Quintana y Luis Castañón recogerán esta tarde los premios «Güestia»» (castellanu). Consultáu'l 2022-09-30.
  4. ↑ «Mapi Quintana Bellón, referente del jazz en Asturias». Consultáu'l 2022-10-01.
  5. ↑ 5,0 5,1 5,2 5,3 «Mapi Quintana» (castellanu). Consultáu'l 2022-09-30.
  6. ↑ 6,0 6,1 20minutos (2015-03-21). «Una perspectiva actual de la canción tradicional asturiana en el Niemeyer» (castellanu). Consultáu'l 2022-10-01.
  7. ↑ 7,0 7,1 7,2 7,3 «Programación - Gijón Sound Festival - Musikaze.com» (español). Consultáu'l 2022-10-01.
  8. ↑ «Información Acadeémica de Estudios Propios». Consultáu'l 2022-10-01.
  9. ↑ «Curso voz: Mapi Quintana» (gl-es) (2014-04-17). Archiváu dende l'orixinal, el 2022-10-03. Consultáu'l 2022-10-01.
  10. ↑ 10,0 10,1 Echever, José Manuel (2019-09-30). «Femme Fetén: armonía y voces en femenino» (castellanu). Consultáu'l 2022-10-01.
  11. ↑ «Página personal de Ismael María González Arias». Consultáu'l 2022-10-01.
  12. ↑ «KONRAD KOSELLECK BIG BAND & MAPI QUINTANA» (inglés). Consultáu'l 2022-10-01.
  13. ↑ «AMAS 017. Anuario de la Música en Asturias» páx. 45. Premios AMAS (2017). Consultáu'l 1 d'ochobre de 2022.
  14. ↑ «Jazz en familia y de estreno» (castellanu) (2018-11-12). Consultáu'l 2022-10-01.
  15. ↑ «La Maramoniz recuerda canciones tradicionales» (castellanu) (2022-06-08). Consultáu'l 2022-09-30.
  16. ↑ ««Si modernizamos la música tradicional, no es tradicional»» (castellanu) (2022-06-06). Consultáu'l 2022-09-30.
  17. ↑ Jazz, Colectivo Asturiano de (2016-02-14). «Entrevista: Mapi Quintana» (castellanu). Consultáu'l 2022-10-01.
  18. ↑ «El grupo Alienda Folk gana el primer Certamen Musical de la Universidad de Oviedo» (castellanu) (2014-09-06). Consultáu'l 2022-10-01.
  19. ↑ Redacción (2022-05-23). «Mapi Quintana dará en el Festival de Lorient un concierto en homenaje a Elías García» (castellanu). Consultáu'l 2022-10-01.
  20. ↑ Redacción (2022-08-07). «Mapi Quintana maravilla al público de Le Théâtre con su espectáculo 'Música pa tornar páxaros'» (castellanu). Consultáu'l 2022-10-01.
  21. ↑ «TPA emite el domingo la Gala de la Música Asturiana desde Mieres» (19 d'avientu de 2009).
  22. ↑ F, S. (2015-03-21). «Mapi Quintana y Elías García presentan su último disco en el club del Niemeyer» (castellanu). Consultáu'l 2022-09-30.
  23. ↑ «Rodrigo Cuevas, Silvia Quesada, Mapi Quintana y Slum Suit, finalistes del Premiu Camaretá al Meyor Cantar» (castellanu) (2020-09-23). Consultáu'l 2022-10-01.
  24. ↑ «El XII Premiu Camaretá al Meyor Cantar foi pa ‘Rambalín’ de Rodrigo Cuevas por unanimidá». Consultáu'l 2022-10-01.

Enllaces esternos

editar
Sacáu de «https://ast.wikipedia.org/w/index.php?title=Mapi_Quintana&oldid=4286501»