María Izquierdo Rojo
María Izquierdo Rojo (13 de setiembre de 1946, Uviéu) ye una filóloga, profesora universitaria y política asturiana. Anque d'orixe asturianu, esta feminista vive en Granada dende 1973, onde desenvolvió la so vida profesional y política. Foi diputada nel Congresu de los Diputaos d'España dende la I hasta la III Llexislatura y europarllamentaria por España nes llexislatures III, IV y V.[1]
.svg){kind=small}
Formación y trayeutoria universitaria editar
Doctorada en Filosofía y Lletres pola Universidá d'Uviéu, con una tesis sobre la narrativa de Juan Carlos Onetti cola que llogró la calificación cum laude y el premiu fin de carrera, trabayó primero nel Colexu Universitariu de Málaga y treslladóse definitivamente a vivir a Granada en 1973, onde desenvolvió la so actividá profesional dende entós y onde ye profesora titular na Universidá de la ciudá.[2]
Trayeutoria política editar
Ingresó nel Partíu Socialista Obreru Español y na Federación de Trabayadores de la Enseñanza d'UXT en 1973. Anque ocupó cargos de representación en dambes formaciones, llueu prefirió la actividá política, destacando'l so llabor al mandu de la reconstrucción nel interior del PSOE granadín mientres los últimos años de la dictadura franquista.
Nes eleiciones xenerales de 1977 foi escoyida diputada al Congresu pola provincia de Granada, siendo reelixida en 1979 y 1986.
Nos entamos del procesu autonómicu tres la Llexislatura Constituyente, compaxinó'l so llabor parllamentariu cola creación de la estructura preautonómica de la Xunta d'Andalucía. El 27 de mayu de 1978 foi escoyida parllamentaria pola circunscripción de Granada na Xunta Preautonómica d'Andalucía,[3] siendo conseyera de la mesma hasta la so disolución en 1979. Participó amás na ponencia del proyectu d'estatutu d'autonomía pa la rexón.[4]
En 1982 foi nomada Secretaria d'Estáu pa les comunidaes autónomes,[5] tiempu nel cual rematóse la constitución de toles Comunidaes a esceición de Ceuta y Melilla. En 1989 foi elixida miembru del Parllamentu Européu, nel Grupu Socialista, puestu qu'ocupó hasta 2004.[6]
De 1979 a 1983 foi secretaria de política autonómica na comisión executiva federal del PSOE. Foi tamién miembru del Comité Federal socialista dende la llegalización del partíu hasta 1990.
Nel añu 2008, la histórica socialista granadina y ex-eurodiputada quedó escluyida por primer vegada como delegada pa los congresos nacional y rexonal del PSOE pola mor, según la mesma diputada, de defender una enmienda a favor de la democracia interna del partíu nel congresu provincial.[7]
Referencies editar
- ↑ «Persona - Izquierdo Rojo, María (1946-)». Consultáu'l 2021-02-11.
- ↑ «Perfil de María Izquierdo. Congreso de Diputados». Consultáu'l 20 de marzu de 2015.
- ↑ «Parlamentarios de la Junta Preautonómica de Andalucía por Granada». Fuentes de la Autonomía de Andalucía. Consultáu'l 20 de marzu de 2015.
- ↑ «Informe de la Ponencia y votos particulares Proyecto de Estatuto de Autonomía para Andalucía.». Boletín Oficial del Estado (23 de xunu de 1981). Consultáu'l 20 de marzu de 2015.
- ↑ «Probable retraso en los traspasos de competencias a las comunidades autónomas». El País (10 d'avientu de 1982). Consultáu'l 20 de marzu de 2015.
- ↑ «Ficha de María Izquierdo en el Parlamento Europeo». Consultáu'l 20 de marzu de 2015.
- ↑ «María Izquierdo, excluida de los congresos del PSOE al ser castigada «por ser una niña mala»». Diario Ideal (5 de xunu de 2008). Consultáu'l 20 de marzu de 2015.
Enllaces esternos editar
Datos: Q3774836
Multimedia: María Izquierdo
