María Luisa Sepúlveda

María Luisa Sepúlveda Maira (14 d'agostu de 1883, Chillán – 4 d'abril de 1958, Santiagu) foi una pedagoga, pianista, violinista, cantante, investigadora y compositora chilena.

María Luisa Sepúlveda
Vida
Nacimientu	Chillán, 14 d'agostu de 1883
Nacionalidá	Chile
Muerte	Santiagu, 4 d'abril de 1958 (74 años)
Estudios
Llingües falaes	castellanu
Oficiu	compositora, profesora de música, pianista, investigadora

Foi una de les primeres muyeres llicenciaes na carrera de composición musical en Chile. Destacó pola so creación d'un repertoriu d'obres didáctiques vocales y presees pa ser utilizaes nel mediu nacional xuvenil. La so obra tuvo espardimientu n'América y Europa. Tamién escribió ensayos dientro de los enclinos nacionalistes del momentu y arrexuntó música popular chilena. Esto repercutió descomanadamente na so obra, qu'amás recoyó influencies impresionistes, romántiques y de vanguardia.

Biografía

Entamos de la so carrera

esquierda

Los sos padres fueron Bernardo Sepúlveda, profesor de filosofía ya idiomes, y Mercedes Maira, qu'escribía poesía. En Chillán, la so ciudá natal, María Luisa estudió nel Llicéu de Neñes, y en 1898 ingresó al Conservatoriu Nacional de Música en Santiago. Incentivada dempués d'escuchar una audición d'Amelia Cocq, empezó a estudiar pianu nel Conservatoriu col profesor Bindo Paoli, carrera de la cual llicencióse públicamente en 1905. Tamién cursó estudios de violín con José Varalla y de amonía, composición y contrapuntu con, Luigi Stefano Giarda y Domingo Brescia.

En 1918, recibió'l títulu de conciertista y profesora de pianu. El so esitosu exame final foi acotáu nuna emponderadora carta del so profesor Paoli, quien la consideró ente les sos discípules más destacaes, con talentu técnico y encamentar pa la enseñanza d'esti preséu. En 1819 llogra'l títulu de compositora con una romanza sobre versos d'un lied de Schubert, ante la comisión compuesta polos maestros Enrique Soro, Giarda y Raúl Hügel. Paralelamente al pianu, estudió cantar llírico, recibiendo un diploma en 1919. A esto súmase un fuerte interés pola lliteratura. Esi añu, cola so composición Bourrée pa pianu, llogró'l primer premiu nel concursu musical de revista Zig-Zag, que publicó sol seudónimu "Alfonso y Corbalán".

Amás d'esta, otres composiciones fueron gallardoniaes colos siguientes premios: del Atenéu de Valparaíso (1924), de la Cruz Roja Chilena, el Premiu Teatru Chilenu, el Premiu Direición d'Informaciones, el Premiu Sociedá Amigos del Arte (1940), del Institutu d'Estensión Musical de la Universidá de Chile (1948), de la Municipalidá de Santiago, Premiu Marcial Martínez, dau pola Facultá de Ciencies Xurídiques y Sociales d'a la Universidá de Chile (1949).

Fomentu ya investigación de la música en Chile

Foi nomada profesora de pianu nel Conservatoriu, cargu qu'exerció mientres seis años, ente 1918 y 1931. Tamién enseñó harmonía y folclor na Escuela Vocacional d'Educación Artística de Santiago. Se incursionó na direición orquestal en 1916, añu nel que formó una orquesta compuesta namái por muyeres llamada "White Orchestra", aludiendo al vestuariu dafechu blancu de los sos componentes. Dirixiéndola ella mesma nun conciertu nel qu'interpretaron obres de Gillet y una Serenata de Luigini. Les integrantes yeren parte del Conservatoriu Nacional y la iniciativa foi tou un ésitu. Tamién se desempeñó como ayudante de Pedro Humberto Allende na formación del "Coru femenín" fundáu en 1923, unu de los trés coros que tuvo la Sociedá Bach col fin d'ampliar la Sociedá y pa fomentar l'arte musical en Chile.

Tamién s'interesó na investigación musical, onde destaca la escoyeta que realizó de cantares populares nel so Cancioneru chilenu, escritu pa cantar y pianu. Según Samuel Claro, María Luisa Sepúlveda ta con Pedro Humberto Allende, Carlos Isamitt y Carlos Lavín na "xeneración de músicos que decidieron amestar la terea d'investigación a la creación", pudiendo consideráse-y, una de les iniciadoras de la investigación musicológicca en Chile.En 1947 publica na Revista Musical Chilena un artículu sobre los pregones nel que los define como un mediu pa poner de manifiestu "unu de los aspeutos más interesantes de l'alma popular", el refeido artículu trescribe amás seis pregonos de la recoyida de la comositora. El so trabayu complementaría'l trabayu musicolóxicu d'escoyeta folklórica, aborixe y criolla que taba realizando paralelamente Pedro Humberto Allende. Más tarde editó La voz del pasáu: pregonos santiaguinos antiguos y otres temes folklóricos, onde trescribió ya ilustró con dibuxos l'antigua tradición del pregoneru y otres temes populares.Tamién publicó una escoyeta de cantares y tonaes del sieglu XIX.

A lo último, enfocada fuertemente na educación musical, escribió'l so Nuevu métodu de guitarra: p'aprender a tocar por cifra y por música ensin maestru, obra que tuvo delles ediciones, y L'amigu del neñu, métodu pa la enseñanza del pianu que tuvo enforma ésitu en Llatinoamérica. Destáquense los sos Cantares escolares, polos que recibió un premiu de la Universidá de Chile.

Tien cantares con poemes de Gabriela Mistral, cola que caltenía correspondencia. Nuna de les cartes de la Bibioteca Nacional de Chile l'autora señala que s'enteró por un conocíu común que Gabriela Mistral amosó interés en que siguiera cola musicalización de dalguna de les sos poesíes. L'autora espera que reviertan una exoneración pa dedica-y más tiempu a esta xera. Faise mención a Arnaldo Tapia.

Mandáu

Les sos emponderaes alumnes de pianu como Olga Aguilar, Adriana Saavedra, Ana María Tagle, Olga Zagal o Pilar Incháustegui nun tuvieron sonadía. Esiste un bustu de María Luisa nel Muséu Pedagóxicu de Santiago, pero naide sabe les circunstancies poles que llegó ellí nin si acompañóse o rexistró documentación dalguna de la so inauguración, si ye que foi inauguráu. Según una publicación del Serviciu Nacional del Patrimoniu Cultural del Departamentu de Derechos Intelectuales de Chile, María Luisa participó na Sociedá de Compositores Nacionales, na Asociación Folklórica de Chile y na Alianza d'Intelectuales pa la defensa de la Cultura y en 1951, foi diplomada pola International Folk Council en Londres ya integróse como miembru de l'Asociación de Compositores de Londres.

La vida y obra de la compositora esmorecer na Historia de la Música Chilena; les sos partitures espierten, dacuando, l'interés de los mozos estudiantes de pianu y dellos docentes incluyir nos programes d'estudiu, anque'l contautu cola so obra ye bien tenue, entá persiste cola mocedá chilena que siempres quixo formar musicalmente. Finó en Santiago en 1958.

Analís estilísticu

El catálogu de les obres de María Luisa Sepúlveda correspuende a obres didáctiques, métodos d'aprendizaxe, cantares pa voz y música instrumental.

Ye carauterística de la so obra compositiva l'asimilación que fizo de la música folclórica. Eso llevó a que dalgunos la señalen como nacionalista, una y bones munchos de los elementos del folclor arrexuntaos son incorporaos a les sos partitures (Cantar de Corhuillas, Asina lo fai Juan).

Sicasí, la so obra ye ecléctica y toma tamién elementos del salón decimonónicu. Nes sos partitures ta presente la influencia del impresionismu, neoclasicismu y romanticismu, la imprenta del nacionalismu chilenu y les vanguardies musicales foranes coles que tuvo en contautu de forma indireuta. Ye por ello que s'aprecien nel so música recursos como la politonalidad, palalelismos d'intervalos de cuarta, quinta y novena, atonalismo llibre y manexu colorístico de la disonancia, sobretou nos sos estudios y obres pa pianu (Dos Estudios pa pianu, La Palmatoria de Locita de les Monxes Clarises, Atabales Umbrías...etc). El romanticismu y la influyencia impresionista ta más presente nes sos obres pa cantar y acompañamientu instrumental y enn les sos obres corales, el les que destaquen el bon dominiu de la sintaxis musical en función de la sintaxis lliteraria (Cuando Odo la Canzone, Yo nunca, nunca más). D'últimes cabo destacar que la so sensibilidá pel mediu físicu y la so redolada vese reflexada nun estensu repertoriu de cantares y estudios que pueden denominase obres "descriptives", yá que retraten estancies de la vida cotidiana o recreen musicalmente'l sentíu de los versos de connotadas plumes de la llírica nacional ( Toque de campanes y El afinalor de Dos Cachos pa pianu).

Obres

Lletra del Himnu a la muyer moderna

Orquesta

• Estudiu sinfónicu, 1932
• Greca, 1932
• Cantar de les Corhuillas, 1940
• Trutruka, 1940

Orquesta sinfónica y solista

• Suite,pa pianu y orquesta de cámara, 1940

Coru y acompañamientu

• Himnu a la moderna muyer, Coru y orquesta 1925
• Asina lo fai Juan, Coru y orquesta, 1945
• Himnu a la Cruz Roja Chilena, Coru, pianu *

Himnu al Orfeón Catalán, Coru y orquesta Coru

• Álbum de Navidá
• Cuatro canto corales
• Dos canciones sacres
• L'aire
• L'imposible
• Quodliber
• Romance de Curicó

Voz y pianu (Toos cantares)

• Cancioneru chilenu, 1837. Cantares populares antigües pa voz y pianu.

• Cantares escolares, 1926
• Cantares escolares, con versos de Julio Barrenechea, Andrés Sabella, Manuel Magallanes Moure, Oscar Jara Azócar, Gabriela Mistral y Pablo Neruda ente otros.
• Cuando odo la canzone
• De vuelta d'un gran ciñu, 1937
• El maquinista del tren
• India pálida
• Voi Dir per otros cielos
• L'Angellus
• Romanza, 1919
• Ronda de neños
• Ronda de paz
• Ronda primaveral
• Te quiero porque te quiero, 1921

• Vivir, 1931

• Voi perdiendo hasta la to solombra
• Yo nunca, nuca más
• Zamacueca

Voz y guitarra

• Canciónes y tonaes chilenes del sieglu diecinueve : pa cantar y guitarra, 195-?
  1. Agospia *#

Liray

• 1. Destino *#

Bartolillu *# Chihuayhuey

• 1. Reliquies y escapularios
  2. Nun hai corazón como'l mıo *#

Cañadilla

• 1. Ai! negru, qu'hemos de faer
  2. Tenéme nel to corazón
  3. Sauce *#

Di-y a la otra que se vaya

Pregón del "Polleru", La voz del pasáu

Voz sola

• La voz del pasáu: pregonos santiaguinos antiguos y otres temes folklóricos, 1942. Contién pregones caleyeros y llamaes de vendedores de les vieyes cais de Santiago.

• Coleición de cantares, 1928:

1. Cantar nacional / Ramón Carnicer
2. Cantar del stío / texto Juana de Ibarbourou
3. La canzone della rosa / G. Raff
4. Cantar D'Addio dell'Augello Migrante / F. Mendelssohn.

Conxunta presea

• Andante,violín y pianu
• Cantar, violín y pianu
• El Pulchén, violín y pianu
• Fantasía sobre l'Himnu de Yungay, 2 pianos
• Segundu pianu pal Estudiu 23 op. 125 de Heller, 2 pianos
• Preludiu de la Suite Holbergs de Grieg, 2 pianos

Pianu

• Atabales aveseos, estudiu dodecafónico
• Bourrè, 1916
• Cantares de la mio tierra nativa
• Carrousel, 1931
• Ciaccona
• Corazón, 1928, tonada chilena *

Dos estudios pa pianu, 1924

• Dos cachos pa pianu, 1929
  1. L'afilador .
  2. Toque de campanes.
• L'amigu del neñu : métodu modernu de pianu 1a. parte, 1963
• Fueya d'álbum
• Locita de les munjas clarises
  1. Jarrita.
  2. Palmatoria.
  3. Braseru
• Scherzo
• Seis pieces fáciles

Otres obres pa solista

• Dos tonaes, guitarra *

Nuevu métodu de guitarra: p'aprender a tocar por cifra y por música ensin maestru, 196-?

• Meditación, violín
• Preludiu, arpa, 1929
• Preludiu, guitarra.

Bibliografía

• BIBLIOTECA NACIONAL DE CHILE. "María Luisa Sepúlveda Maira (1892-1958)", en: Compositores chilenes del sieglu XX. Memoria Chilena . Disponible en http://www.memoriachilena.cl/602/w3-article-92952.html . Aportáu en 21/3/2018.
• Bustos Valderrama, R. (1981). María Luisa Sepúlveda (1892-1958). Revista Musical Chilena, 35 (153), [p. 117-140]. Disponible en https://revistamusicalchilena.uchile.cl/index.php/RMCH/article/view/630/532. Aportáu en 21/03/2018
• Sepúlveda Maira, María Luisa, 1892-1958. [Carta] 1939 ene. 9, Santiago, Chile [a] Gabriela Mistral, L'Habana, [Cuba] [manuscritu] M. Luisa Sepúlveda Maira. Archivu del Escritor. . Disponible en Biblioteca Nacional Dixital de Chile http://www.bibliotecanacionaldigital.cl/bnd/623/w3-article-135286.html . Aportáu en 25/3/2018.
• Danke, Jacobo. El Cancioneru Chilenu de María Luisa Sepúlveda [artículu] Archivu de Música. . Disponible en Biblioteca Nacional Dixital de Chile http://www.bibliotecanacionaldigital.cl/bnd/624/w3-article-153679.html . Aportáu en 25/3/2018.
• Raquel Bustos Valderrama. (2002). Diccionariu de la Música Española ya Hispanoamericana. Madrid: Sociedá xeneral d'autores y editores.[pp. 926] ISBN 8480483032
• «WorldCat.org: El catálogu más grande del mundu» (castellanu). Consultáu'l 25 de marzu de 2018.

Referencies

• Datos: Q935718
• Multimedia: María Luisa Sepúlveda