María Olay

María Olay
Vida
Nacimientu	Xixón, 3 de xunu de 1978 (46 años)
Nacionalidá	España
Estudios
Llingües falaes	castellanu
Oficiu
Oficiu	nadadora
	Participante Xuegos Olímpicos d'Atlanta 1996 ;

María Olay García (3 de xunu de 1978, Xixón) ye una exnadadora asturiana que desenvolvió la so actividá nel Club Natación Santa Olaya. Ganó la medaya de bronce na prueba 4x100 metros estilos nos Campeontaos d'Europa de Viena. Foi escoyida pa participar nos Xuegos Olímpicos d'Atlanta 1996.

Biografía

Descubierta por Carlos Carnero en 1990, poles sos aptitúes pa la natación, foi escoyida rápido pa competir col equipu absolutu.

En 1992, por cuenta de los Xuegos Olímpicos de Barcelona 1992, formó parte del relevu que llevó l'antorcha olímpica, al so pasu por Asturies.

En 1996, en ganando les pruebes de 50 metros braza, 100 metros braza y ser bronce en 200 metros braza nos Campeonatos d'España, onde se decidió l'equipu que diría a los Xuegos Olímpicos d'Atlanta 1996, foi escoyida pa dir cola selección española.

Nos Xuegos Olímpicos, quedó nel puestu 28 en 100 metros braza y nel puestu 15 nel relevu de 4x100 metros estilos.

Dempués de les Olimpiaes, coló a estudiar a Estaos Xuníos, en Los Angeles, California, onde siguió nadando.

Palmarés

Meyor deportista asturiana (1995)
Campeona d'España en 50 metros braza (1995)
Campeona d'España en 100 metros braza (1994, 1995)
Subcampeona d'España en 200 metros braza (1994, 1995)
Plusmarquista española en 100 metros braza, en piscina llarga (1994 y 1996)
Meyores Marques Nacionales en 100 metros y 200 metros braza (15, 16 y 17 años)
Subcampeona d'Europa Junior en 100 metros braza (1993)

Ver tamién

Club Natación Santa Olaya

Bibliografía

Ruiz Alonso, José Gerardo: Historia del Club Natación Santa Olaya (1953-2003) (Gráfiques Apel). Xixón, 2003. ISBN 84-607-9171-8

Referencies

Enllaces esternos

Perfil nel Comité Olímpicu Español
Páxina de la RFEN (enllaz rotu disponible n'Internet Archive; ver l'historial y la última versión).
Perfil de María Olay na Páxina del Santa Olaya (enllaz rotu disponible n'Internet Archive; ver l'historial y la última versión).