Marisa Galvany
Marisa Galvany (19 de xunu de 1936) ye una sopranu estauxunidense d'importante actuación na New York City Opera ente 1972 y 1983 en repertoriu italianu. Tamién actuó nacional y internacionalmente.
Marisa Galvany | |
|---|---|
| Vida | |
| Nacimientu | 19 de xunu de 1936[1] (88 años) |
| Nacionalidá |
 Estaos Xuníos |
| Oficiu | cantante d'ópera |
| Mena de voz | sopranu |
| Instrumentu musical | voz |
 | |
Biografía
editarEstudió con Armen Boyajian (maestru de Paul Plishka y Samuel Ramey) debutando na Seattle Opera en 1968 como Tosca y en 1969 en Nueva York en Medea en Corinto. El so debú internacional foi en 1972 nel Palaciu de Belles Artes de Méxicu como Aída.
En 1972 empezó una llarga asociación cola New York City Opera y Julius Rudel quien la contrató en Maria Stuarda de Gaetano Donizetti como contraparte de Beverly Sills. Nesa compañía cantó Abigaille en Nabucco, Amelia en Un ballo in maschera, Gilda en Rigoletto, Odabella en Attila, Santuzza en Cavalleria rusticana, Violetta en La traviata, Anna Bolena y Medea.[2]
En 1973, Galvany filmó Lady Macbeth, en Macbeth,[3]pa la Canadian Broadcasting Company con Louis Quilico. Debutó en Filadelfia y Nueva Orleans onde cantó Les Huguenots, y Salomé en Hérodiade de Jules Massenet.
Debutó nel Metropolitan Opera el 12 de marzu de 1979, como Norma xunto a Yelena Obraztsova, Galvany cantó una sola representación, la xira de la compañía de 1985 como Ortrud en Lohengrin y Kostelnička en Jenůfa nel auditoriu del Met el 12 d'ochobre de 1985.[4] En Cincinnati, cantó Turandot y Salomé.
Escontra'l final de la so carrera cantó papeles de mezzosopranu como Amneris en Aída y Carmen.
Otres actuaciones incluyeron los teatros de Frankfurt, Caraques, Varsovia, Praga, Belgráu y el Llicéu de Barcelona.
Referencies
editar- The Metropolitan Opera Encyclopedia, David Hamilton, Simon and Schuster, 1987. ISBN 0-671-61732-X
Enllaces esternos
editar- Videu en YouTube YouTube: Marisa Galvany en Nabucco (1981)]
- Como Lady Macbeth
Datos: Q6765572
