Maximiliano Arboleya
Maximiliano Arboleya Martínez (9 d'ochobre de 1870, La Pola Llaviana – 19 de xineru de 1951, Meres) foi un sacerdote y sociólogu asturianu.
Maximiliano Arboleya | |
|---|---|
| Vida | |
| Nacimientu | La Pola Llaviana, 9 d'ochobre de 1870[1] |
| Nacionalidá |
 España |
| Muerte | Meres, 19 de xineru de 1951[2] (80 años) |
| Estudios | |
| Llingües falaes | castellanu |
| Oficiu | sociólogu, escritor |
| Miembru de |
Grupo de la Democracia Cristiana (es)  |
| Creencies | |
| Relixón | Ilesia Católica |
 | |
Biografía
editarMaximiliano yera fíu de Marcelino Arboleya oficial del Rexistru de la Propiedá de La Pola Llaviana y Amalia Martínez Vigil, hermana de Ramón Martínez Vigil que foi obispu d'Uviéu. En 1878 morrió so padre quedando so madre viuda casándose con Francisco Fernández Fueyo, viudu d'una hermana de so.
Estudia na so Llaviana natal hasta los catorce años, en 1884 ingresa nel seminariu d'Uviéu y darréu ye enviáu con una beca a Roma pa estudiar nel Pontificiu Colexu Español. N'Italia algama la llicenciatura en Teoloxía pola Universidá Gregoriana y el doctoráu pol Pontificiu Seminariu de San Apolinar.
Torna d'Italia y afitando la so residencia n'Uviéu onde exerz de profesor nel seminariu y en 1898 algama la plaza de callóndrigu de la catedral d'Uviéu.
Hacia 1900 funda la Lliga de Defensa Eclesiástica y ye nomáu secretariu de la comisión qu'entamaba les peregrinaciones a Lourdes.
En 1923 l'obispu Juan Bautista Luis y Pérez nómalu deán de la catedral d'Uviéu.
Muerre en Meres, pueblu nel que taba residiendo, el 19 de xineru de 1951
Actividá periodística y sindical
editarUna de les sos facetes más relevantes foi la so actividá periodística y sindical rellacionada col so llabor nel mundu de la prensa. Miembru y seguidor de la doctrina social de la ilesia que tenía'l so máximo esponente na encíclica Rerum Novarum del Papa León XIII funda y collabora con diversos periódicos. Asina funda El Zurriago Social o Justicia Social y collabora col diariu El Carbayón enfrentándose a diferentes personalidaes de la so dómina poles sos idees tales como Manuel Vigil Montoto.
Referencies
editar- ↑ Afirmao en: SNAC. Identificador SNAC Ark: w6ks9ss8. Apaez como: Maximiliano Arboleya. Data de consulta: 9 ochobre 2017. Llingua de la obra o nome: inglés.
- ↑ Afirmao en: Diccionario biográfico español. Identificador DBE: 7653/maximiliano-arboleya-martinez. Apaez como: Maximiliano Arboleya Martínez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
Enllaces esternos
editar
Datos: Q5195448
