Mecánica clásica

La Mecánica clásica ye una formulación de la Mecánica pa describir mediante lleis el comportamientu de cuerpos físicos macroscópicos en reposu y a velocidaes pequeñes comparaes cola velocidá de la lluz.
Esisten delles formulaciones distintes, en mecánica clásica, pa describir un mesmu fenómenu natural que, independientemente de los aspeutos formal y metodolóxicu qu'utilicen, lleguen a la mesma conclusión.

• La mecánica vectorial apuerta direutamente de les lleis de Newton, por eso tamién se-y conoz como «mecánica newtoniana». Ye aplicable a cuerpos que se mueven en rellación a un observador a velocidaes pequeñes comparaes cola de la lluz. Foi construyida nun principiu pa una sola partícula moviéndose nun campu gravitatorio. Basase nel tratamientu de dos magnitudes vectoriales so una rellación causal: la fuercia y l'aición de la fuercia, midida pola variación del momentum (cantidá de movimientu). L'analís y síntesis de fuercies y momentos constitúi'l métodu básicu de la mecánica vectorial. Rique del usu privilexáu de sistemes de referencia inercial.
  
• La mecánica analítica (analítica nel sentíu matemáticu de la pallabra y non filosóficu): los sos métodos son poderosos y tescienden de la Mecánica a otros campos de la Física. Pue atopase el xerme de la mecánica analítica na obra de Leibniz que propón pa solucionar los problemes mecánicos otres magnitúes básiques (menos escures según Leibniz que la fuercia y el momentu de Newton), pero agora esguilares, que son: la enerxía cinética y el trabayu. Estes magnitúes tán rellacionaes de forma diferencial. La carauterística esencial ye que, na formulación, tómense como fundamentos primeros principios xenerales (diferenciales ya integrales), y que a partir d'estos principios llógrense analíticamente les ecuaciones de movimientu.

Mecánica clásica
mecánica

Enllaces esternos

• Wikimedia Commons tien conteníu multimedia tocante a Mecánica clásica.

• Datos: Q11397
• Multimedia: Classical mechanics
• Llibros: Mecánica clásica