Medardo Carreño y Suárez
Medardo Carreño y Suárez (11 de payares de 1873, Uviéu – 14 de marzu de 1948, Uviéu) foi un organista, compositor y maestru de capiella asturianu.[2][3]
Medardo Carreño y Suárez | |
|---|---|
| Vida | |
| Nacimientu | Uviéu[1], 11 de payares de 1873[1] |
| Nacionalidá |
 España |
| Muerte | Uviéu[1], 14 de marzu de 1948[1] (74 años) |
| Estudios | |
| Llingües falaes |
castellanu llatín |
| Oficiu | compositor, organista, maestru de capiella |
| Creencies | |
| Relixón | catolicismu |
 | |
Biografía
editarNació n'Uviéu'l 11 de payares de 1873, en casa d'una familia humilde, formada por José Carreño y Matilde Suárez. Formóse musicalmente na Catedral d'Uviéu como infante del coru. Pa ello ingresó en 1881 nel Colexu de San Xosé del arzobispáu uvieín. Ellí estudió la carrera eclesiástica, ordenándose presbíteru en 1896.[3]
N'Uviéu, en payares de 1903 el maestru de capiella José María Moreno Arpón dexara'l cargu pa pasar a encargase de la primer organistía, un cargu con menos responsabilidaes. L'obispu interesóse por cubrir la vacante y n'avientu d'esi mesmu añu publicáronse los edictos pa la realización d'unes oposiciones. Presentáronse dos candidatos, amás de Carreño; Ángel Larroca y Rech, presbíteru de la diócesis de Calatayud; y Rosendo Virgilio Bermúdez, organista segundu de la Catedral de Lleón. Ganaría Carreño, que tomó posesión del beneficiu'l 10 de marzu de 1904. Los exercicios de la oposición, de los que'l primeru y postreru fueron ante'l públicu, fueron los siguientes:[4]
1º. Composición d'un Himnu con lletra en castellanu, a cuatro voces y órganu obligáu, con 24 hores de preparación (zarru nel Seminariu).
2º. Composición d'un Himnu con lletra llatina a cuatro voces, orquesta y órganu obligáu: última estrofa sobre tema de cantu llanu, y Amen fugáu , sesenta hores de preparación y zarru.
3º. Harmonizar un bajete a tres voces, con términu de cuatro hores y zarru.
4º. Exerciciu de cantu d'órganu y exerciciu oral sobre la notación de les figures.
N'Uviéu siguió componiendo y collaborando con dellos periódicos. En 1907 participó nel Congresu de Música Sagrada de Valladolid, na que presentó una memoria.[3] Na capiella llueu solicitó aumentar el númberu d'infantes del coru.[4]
Finalmente lleóse una solicitú del Maestru de Capiella diciendo que ye necesariu reforzar la Capiella con dos neños de coru más, porque'l neñu Fernando va llegando a la edá en que se verifica'l cambéu de voz, y los otros dos neños nun van poder soportar tol pesu del cantar nes actuales circunstancies, nes que pa executar obres musicales de xéneru polifónicu según los deseos y mandatos de S. S. Pío X, los tiples desempeñen un papel perimportante, y alcordóse que'l Maestru esponga con claridá'l so xuiciu sobro si los dos neños pequeños de coru tienen, o non, la voz que se precisa, y si pueden desempeñar como deben el papel de tiples, informando detalladamente sobre estos puntos, y demás qu'envalore necesariu y conveniente.
En 1906 ingresó nel monesteriu benedictín de Samos. Entrín y non el baxu Manuel Velázquez Llanos supliría al maestru, qu'en 1911 arrenunció definitivamente al cargu. Ellí permanecería 21 años como monxu, pasando de San Xulián de Samos a San Vicente do Pino en Monforte de Lemos (Lugo) y más tarde a Los Cabos (Pravia). En 1929 realizóse la so exclaustración por motivos de salú.[4][3]
Mientres estos añu tuvo bien activu. Presidió tribunales d'oposiciones d'organistes y maestros de capiella en Lugo, Ourense y Mondoñedo. Tamién formó parte del xuráu del Certame d'Orfeones realizáu n'Ourense en 1926. Realizó cursinos, como'l de cantu gregorianu entamáu nel seminariu de Plasencia en 1911.[3]
En dexando la vida de benedictín, tornó a Candás como organista onde permaneció a lo menos hasta 1935.[3] En xunetu de 1945 foi nomáu director de la enseñanza musical de la Basílica de Cuadonga. Finaría n'Uviéu, el 14 de marzu de 1948.[2]
Referencies
editar- ↑ 1,0 1,1 1,2 1,3 URL de la referencia: https://xn--espaolito-o6a.es/index.php/encyclopedia/carreno-medardo/.
- ↑ 2,0 2,1 (1999) «Carreño Suárez, Medardo», Diccionario de la música española e hispanoamericana (en castellanu). Madrid: Sociedad General de Autores y Editores, páx. 242.
- ↑ 3,0 3,1 3,2 3,3 3,4 3,5 (1936) CARREÑO (Medardo) (en castellanu). Sáez Hermanos. Consultáu'l 29 de marzu de 2024.
- ↑ 4,0 4,1 4,2 «Resonancias del "Motu Proprio" en la diócesis de Oviedo la capilla catedralicia y el Seminario Conciliar» (en castellanu). Recerca musicològica (16): páxs. 185-187. 2006. ISSN 0211-6391. https://dialnet.unirioja.es/servlet/articulo?codigo=2325794&orden=130392&info=link. Consultáu'l 29 de marzu de 2024.
Enllaces esternos
editar
Datos: Q125201454
