Menchu Álvarez del Valle
María del Carmen Álvarez del Valle, más conocida como Menchu Álvarez del Valle, (16 de xineru de 1928, Santander – 27 de xunetu de 2021, Ribeseya) foi una periodista radiofónica española y güela paterna de la reina d'España, Letizia Ortiz Rocasolano.
Menchu Álvarez del Valle | |
|---|---|
| Vida | |
| Nacimientu | Santander, 16 de xineru de 1928 |
| Nacionalidá |
 España |
| Grupu étnicu |
Raza mediterranea (es)  |
| Llingua materna | castellanu |
| Muerte | Ribeseya[1], 27 de xunetu de 2021[1] (93 años) |
| Familia | |
| Casada con | José Luis Ortiz Velasco |
| Fíos/es | |
| Familia |
ver
|
| Estudios | |
| Llingües falaes | castellanu |
| Oficiu | periodista, llocutora |
| Llugares de trabayu | Uviéu |
| Emplegadores |
Grupo Prisa (es) RTVE |
| Premios | |
 | |
Biografía
editarConsiderada una de les voces más populares de la radio asturiana, tien dos hermanes: Flora (* 1921) y María Sol, "Marisol del Valle" (* 1935), Doctora pola Universidá Complutense de Madrid, tamién periodista radiofónica y profesora de comunicación audiovisual. La so madre llamábase Plácida del Valle Arribas (1900-1993), y el so padre, Eulalio Álvarez de la Fuente (1897-1983), foi tipógrafu y editor.
Nació en Santander, pero vive n'Uviéu dende los dieciséis años. Frecuenta la radio dende bien nueva, empecipiándose en Radio Asturias. En 1947 entra en Radio Oviedo (dempués REM), La Voz del Principado, Radiocadena Española y finalmente Radio Nacional d'España. Mientres 42 años trabaya bien como llocutora, bien como creadora de nuevos espacios radiofónicos, destacando ente los sos programes "Coser y cantar" y "Camín de la gloria". Prexubilar en 1990. A lo llargo de la so carrera recibió múltiples gallardones.
Saltó a la fama nacional por ser la güela de Letizia Ortiz Rocasolano, tamién periodista, cuando ésta anunció'l so compromisu matrimonial col Príncipe d'Asturies. El so home, José Luis Ortiz Velasco, representante de la firma Olivetti, finó na so casa de Sardéu, Ribeseya, Asturies, el 30 de marzu de 2005 a los 82 años.
El fináu y Menchu Álvarez del Valle, casaos dende 1949,[3] yeren padres de Jesús José Ortiz Álvarez, padre de Letizia Ortiz, que, al igual que la so madre dedicóse profesionalmente al periodismu. El matrimoniu tamién tuvo dos fíos, María del Henar, decoradora d'oficiu,[4] y Cristina, finada en 2001, que trabayaba como gobernanta nel Parador Nacional de Cangues d'Onís.[5] Cristina foi la madrina de bautismu de l'actual Reina d'España.[6]
Menchu recibe'l 13 de febreru de 2013 el Premiu Nacional de Radio; la so hermana Mari Sol tamién ye gallardoniada na mesma edición, siendo'l nome concretu del gallardón que reciben Premiu María Elena Domenech.[7]Dichu premiu ye dau pola Academia de les Artes y les Ciencies Radiofóniques d'España.
Referencies
editar- ↑ 1,0 1,1 URL de la referencia: https://www.lne.es/videos/sociedad/2021/07/27/luto-ribadesella-muerte-menchu-alvarez-55548708.html.
- ↑ Afirmao en: Genealogics. Autor: Leo van de Pas. Llingua de la obra o nome: inglés. Data d'espublización: 2003.
- ↑ José Luis Ortiz
- ↑ Vanitatis
- ↑ Oriente asturianu
- ↑ Familia Ortiz
- ↑ valle güela-de-la princesa-letizia-gallardoniada-con-el premiu nacional-de-radiu/ Premiu Nacional de Radiu
Enllaces esternos
editar
Datos: Q6010169
