Metallah
Metallah, Mothallah o Caput Trianguli ye'l nome de la estrella α Trianguli (α Tri / 2 Trianguli).[11] Entá siendo la estrella Alfa de la constelación de Triangulum, ye la segunda más brillosa de la mesma con una magnitú aparente de +3,42 detrás de β Trianguli. Metallah provién del árabe y significa «triángulu», ente que Caput Trianguli vien del llatín y significa «cabeza del triángulu».
Coordenaes: 
1h 53m 4.905s, 29° 34′ 43.747″
Unes 13 vegaes más lluminosa que'l Sol, Metallah ye una subxigante blancu-mariella de tipu espectral F6IV, esto ye, ta acabando o acabó la fusión del hidróxenu y ta empezando la fusión d'heliu. La so temperatura superficial ye de 6350 K y el so radiu ye 3 vegaes más grande que'l del Sol.[12] Xira sobre sigo mesma con una velocidá de rotación proyeutada de 81,6 km/s.[13] Tien una metalicidá —bayura relativa d'elementos más pesaos que'l heliu— llixeramente inferior a la del Sol ([Fe/H] = -0,09).[14] La so masa envalorada ye 1,5 vegaes mayor que la masa solar y ye una estrella más evolucionada que la nuesa estrella. La so edá cífrase en namái 2700 millones d'años, daqué más de la metá de la edá del Sol, yá que cuanto mayor ye la masa d'una estrella más curtia ye la so vida.[12]
Metallah ye una binaria espectroscópica con una compañera bien tenue de la que nada se sabe. Tien De tar estraordinariamente cerca —quiciabes en redol a 0,04 UA—, una y bones el periodu orbital ye de namái 1,74 díes. Dambes atópense a 64 años lluz del Sistema Solar.[12]
Referencies editar
- ↑ 1,0 1,1 1,2 1,3 1,4 Afirmao en: SIMBAD.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ Afirmao en: General Catalogue of Variable Stars.
- ↑ 4,0 4,1 4,2 4,3 Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Ca II HK emission in rapidly rotating stars» (n'inglés). Astronomy and Astrophysics (3): páxs. 1099–1107. xineru 2009. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ 8,0 8,1 «Nearby stars of the Galactic disc and halo – IV» (n'inglés). Monthly Notices of the Royal Astronomical Society (1): páxs. 173-224. febreru 2008. doi:.
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi:.
- ↑ «MK CLASSIFICATIONS OF SPECTROSCOPIC BINARIES». The Astrophysical Journal Supplement Series (1): páxs. 117–118. 23 avientu 2008. doi:.
- ↑ Alfa Trianguli (SIMBAD)
- ↑ 12,0 12,1 12,2 Mothallah (Stars, Jim Kaler)
- ↑ Schröder, C.; Reiners, A.; Schmitt, J. H. M. M. (2009). «Ca II HK emission in rapidly rotating stars. Evidence for an onset of the solar-type dynamo». Astronomy and Astrophysics 493 (3). páxs. 1099-1107. http://cdsads.u-strasbg.fr/cgi-bin/nph-bib_query?2009A&A...493.1099S&db_key=AST&nosetcookie=1.
- ↑ Holmberg, J.; Nordström, B.; Andersen, J. (2009). «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). páxs. 941-947 (Tabla consultada en CDS). http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.
Coordenaes: 1h 53m 4.905s, 29° 34′ 43.747″
Datos: Q1302050
