Wikipedia

Mygalomorphae

(Redirixío dende Migalomorfes)

Los migalomorfos (Mygalomorphae), tamién llamaos ortognatos (Orthognatha), son un suborde del orde Araneae (arañes). El nome últimu ye pola orientación de los quelíceros, que nun se crucien ente sigo, al contrario que nos araneomorfos. Inclúi 314 xéneros.

Migalomorfos
Clasificación científica
Reinu: Animalia
Filu: Arthropoda
Clas: Arachnida
Orde: Araneae
Suborde: Mygalomorphae
Diversidá
15 families
Families
Consultes
[editar datos en Wikidata]

Descripción

editar

Esti suborde inclúi arañes de cuerpos bien pesaos, conocíos n'América como tarántules y los peligrosos xéneros Atrax y Hadronyche.

Como les primitives Mesothelae, tienen dos pares de pulmones en llibru y quelíceros reutos. Trátase de simplesiomorfíes; ello ye, carauterístiques primitives presentes nel ancestru común de toles arañes, y que los migalomorfos caltienen, ente que los araneomorfos desenvolvieron carauterístiques nueves (incluyendo un cribellum).[1]

Cásique toles especies tienen ocho güeyos, quitando namái delles poques con menos (Masteria lewisi tien solu seis).

 
Quelíceros d'un Aname atra (Nemesiidae).

Tienen glándules venenoses que pasen dafechu per dientro de los quelíceros, pero namái les arañes australianes del xéneru Atrax son realmente peligroses pa los humanos. Los sos quelíceros son grandes y potentes. Dacuando miembros d'esti suborde pueden matar pequeños pexes, pequeños mamíferos, etc.

Mientres les más grandes arañes son migalomorfos (Theraphosa aphophisis), con un llargor de 10 cm (y llargor de pates de 30 cm), delles especies tienen menos que 1 mm de llargu. Los migalomorfos son capaces de xenerar cuspia adesiva, y delles teles d'araña son capaces de prindar inseutos nun diámetru de 1 m².

Anque los Araneomorphae viven cerca d'un añu, les migalomorfes puen vivir 25 años, y dalgunes algamen el maduror a los seis años.[2]

Distribución

editar
 
Annandaliella travancorica (Theraphosidae) de la India.
 
Atypus karschi, vive en Xapón, China, y Taiwan.

Munchos miembros d'esti suborde tán nos trópicos y subtrópicos, pero espárdense pel norte y pel sur escontra zones más fríes.

Poques especies son d'Europa: les families Atypidae, Nemesiidae, Ctenizidae, Hexathelidae, Theraphosidae y Cyrtaucheniidae xuntes, faen namái doce especies.

Taxonomía

editar

Mygalomorphae divídese en dos infraórdenes, Tuberculotae y Fornicephalae:[3]

Infraorder Tuberculotae

Infraorde Fornicephalae

Filoxenia

editar 
Mecicobothrioidea
+--Mecicobothriidae (8 spp.)
+--------------------------|
| +--Microstigmatidae (13 spp.)
+--Tuberculotae-|
| | +-------------------------Hexathelidae (86 spp.)
| +---| +-----------------------Dipluridae (175 spp.)
| +-| +---------------------Nemesiidae (ca. 340 spp.)
| +-| +-------------------Barychelidae (ca. 300 spp.)
| +-| +--Paratropididae (8 spp.)
-| +-Theraphosoidea-|
| +--Theraphosidae (ca. 900 spp.)
|
| +--Atypidae (40 spp.)
| +----------------Atypoidea-|
| | +--Antrodiaetidae (32 spp.)
+-Fornicephalae-|
| +-------------------------Cyrtaucheniidae (126 spp.)
+---| +---------------------Idiopidae (ca. 270 spp.)
+---| +------------------Ctenizidae (120 spp.)
+--| +--Actinopodidae (41 spp.)
+------Migoidea-|
+--Migidae (91 spp.)

:Hipótesis cladística nes Mygalomorphae.[4] La llinia nun indica la distancia evolutiva.

Referencies

editar
  1. ↑ Coddington, J.A. & Levi, H.W. (1991).
  2. ↑ About Spiders
  3. ↑ «Texas A&M University, Department of Entomology - Synopsis of the described Araneae of the World». Archiváu dende l'orixinal, el 2007-03-13.
  4. ↑ Raven, Robert, J. (1985).
  • Goloboff, P.A. (1993). A Reanalysis of Mygalomorphae Spider Families (Araenae). American Museum Novitates 3056. PDF

Enllaces esternos

editar
Sacáu de «https://ast.wikipedia.org/w/index.php?title=Mygalomorphae&oldid=4261479»