Moin

Moin (pronunciáu [ˈmɔɪn]) o moi ye un saludu en danés, frisón y baxu alemán estendíu tantu pola rexón de Frisia oriental, el norte y este de los Países Baxos, Frisia septentrional y Flensburgu (Schleswig-Holstein), Bremen, Hamburgu, Kiel, Mecklemburgu-Pomerania Occidental (norte d'Alemaña) y Xutlandia meridional (Dinamarca) que vien significar «hola», y en dellos llugares «adiós».

Instalación d'aproximao 2 metros nel Edificiu Justus Lipsius mientres la Presidencia del Conseyu de la Unión Europea, primer metá de 2005 (*moien* significa «hola» en luxemburgués).

Derivaciones

Moin derivó de la pallabra frisona, neerlandesa y bajoalemana mooi, que'l so significáu ye «formosu» o «bonu». Na fórmula popular que se menta como Moin Moin, el segundu moin (pronunciáu como morn) significa «día» en frisón. Esisten formes similares en Baxa Saxonia como mooien Dag, mooien Abend, mooien Mor(g)en. Moin ye semánticamente equivalente al Dagg («bonos díes») que se suel dicir en Baxa Saxonia (baxu saxón).

La forma Moin puede emplegase mientres tol día. La duplicación Moin Moin sirve como énfasis y como una forma más educada. Nel dialeutu xutu, Mojn utilízase como hola y adiós, pero Mojn Mojn namái pa espresar adiós. Moin moin lliteralmente significa «(que tengas un) bon día».

Moin

Conteníu

Derivaciones

Ver tamién

Referencies

Enllaces esternos