Moncóu
Moncóu[3] ye una aldea del conceyu asturianu de Cangas del Narcea, allugada na parroquia de Veiga de Rengos, a solo 1,4 quilómetros de la capital de la parroquia y a 22 de Cangas capital. Esti pueblu tien una población de 37 habitantes (INE 2009). Ta organizáu, sicasí como tolos pueblos pequeños de la comarca, por cases como la casa Capicheiro o la casa Casona. Allúgase nun pequeñu valle ente los picos Cabrón y Moncóu, a una altiú de 800 metros, la so altura mínima ye de 26 metros nel ríu Narcea y la máxima de 2007 metros nel Cuetu d'Arbás. La vexetación predominante ye la de cualquier pueblu de Cangas del Narcea, mui abondante y compuesta na so mayoría por viesques de fueya perenne. Normalmente suel haber llobos dispersos peles viesques axacentes. Tamién puese considerar un llugar perfeutu p'atopar mazanes y mores, peles numberoses pomares y zarzales qu'ehí s'alluguen. Tamién tien una pequeña fonte, nomada Fonte'l Molín, asitiada ente la Casa Carbaḷḷa y l'antiguu molín, l'orixe'l so nome.
 Moncóu | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cangas del Narcea |
| Parroquia | Veiga de Rengos |
| Partíu xudicial | Cangas del Narcea |
| Tipu d'entidá | aldea[1] |
| Nome oficial | Moncóu (ast)[2] |
| Demografía | |
| Población | 31 hab. (2017) |
| Porcentaxe | 0.01% de Veiga de Rengos |
| Más información | |
| Estaya horaria | UTC+01:00 |
 | |
El pueblu divídese en tres partes, Moncóu baxu (formáu namás que pola Casa Simón), Moncóu centru (el nucleu urbanu, u s'asitien la mayoría de los habitantes qu'hai nel pueblu) y Moncóu altu, asitiáu a la máxima altura del pueblu, u ta la Casa la Pruída, onde taba antiguamente'l chigre, al que podía accedese pela cuesta la Pruída. La mayoría del tarrén pobláu ta conformáu per tierres cultivaes sobre manera de fabes, llechugues y fréxoles. El pueblu tamién tien una plaza, de pequeñu tamañu, nella ta'l bebederu y la tarima (fecha con piedres y madera) u toquen los músicos normalmente na folixa del 3 de setiembre, a la qu'acude xente de toles parroquies cercanes.
Referencies
editar- ↑ Afirmao en: Nomenclátor d'entidaes de población d'Asturies. Data de consulta: 30 setiembre 2024. Editorial: Sociedá Asturiana d'Estudios Económicos ya Industriales.
- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 1r setiembre 2022.
- ↑ BOPA. «Espediente colos topónimos oficiales de Cangas del Narcea». BOPA.
Enllaces esternos
editar
Datos: Q9034537
