Santa Moninne de Killeavy foi una de les primeres santes d'Irlanda. Dempués formase na vida relixosa, fundó una comunidá, que cuntaba primeramente con ocho vírxenes y una vilba con un ñácaru, en Slieve Gullion (que depués se convirtió nel Condáu Armagh.) Estes muyeres vivieron una vida ermitaña, basada nes vides d'Elías y San Xuan el Bautista. Moninne Morrió nel añu 517. El so día festivu ye'l 6 de xunetu.

Moninne
Vida
Nacimientu 432
Muerte 518 (greg.)[1] (85/86 años)
Santoral
6 de xunetu
Cambiar los datos en Wikidata

Vida editar

Moninne Nació alredor del 435 nel área de Donaghmore, en County Down. El so padre yera Machta, Rei del territoriu que s'estendía de Louth a Armagh, y la so madre yera Comwi o Coman, fía d'unu de los reis del norte. Dicíase que fuera bautizada y confirmada per San Patriciu. Cuando San Patriciu pasaba peles tierres de Machta, detúvose en casa de los padres de Moninne y predixo que'l nome de Moninne recordáu nel tiempu.

Dizse que foi criada por Santa Brigida D'Irlanda.[2] Monenna fundó dellos conventos n'Escocia ya Inglaterra y tamién fundó un monesteriu de monxes en Faughart, El Condao Louth. Una nueche les monxes fueron alteriaes por soníos d'allegría profana provenientes d'hogar colina embaxo, y cuando preguntaron cuál yera la causa, díxose-yos qu'había una boda nuna de les cases. Moninne y les sos hermanes, decidieron entós buscar un sitiu más fayadizu a la so forma de vida.

Moninne llevó a les sos hermanes escontra l'oeste, a la islla Begerin, pa ser empuestes na vida monástica por unu de los primeros obispos irlandeses, San Ibar. Eventualmente, la comunidá tornó de Leinster al norte d'Irlanda, estableciéndose primeru en Faughart, allugáu entós en Killeavy.[3] La Ilesia Faughart foi fundada por Santa Moninne n'honor a Brígida.[4] El monesteriu de Killeavy (significa “ilesia del monte”), consistía primeramente d'ocho vírxenes y una vilba con un ñácaru. El neñu, que'l so nome yera Luger, llegó a convertise n'Obispu.[5] El númberu de monxes llegó eventualmente a superar les 150.

Moninne morrió alredor del añu 517 y foi soterrada en Killeavy.

Veneración editar

Una piedra grande de granitu cubre la supuesta tumba de Santa Moninne y nos díes en que se celebraba'l Patronu (que yera l'aniversariu del día en qu'una ilesia fuera dedicáu a un santu), rezábense oraciones nesti sitiu y los pelegrinos siguíen depués al Pozu Santu, allugáu nes rimaes Slieve Gullion, tornando depués a la piedra pa la oración final.[6]

 
La tumba de Santa Monnina, Campusantu Killeavy.

El Día de la Santa Patrona Moninne yera'l 6 de xunetu, pero col empiezu de la persecución a la fe católica, estes ceremonies relixoses tuvieron prohibíes por llei. Dempués de la supresión del día de la Santa Patrona en 1825, escaecióse la esistencia del Pozu Santu, pero esti foi redescubierto pol Padre James Donnelly en 1880.[6]

El pozu de Santa Moninne ta marcáu por una cruz blanca grande. La fecha de la Santa Patrona foi alicada en 1928 y paez sobrevivir hasta 1934. Asitióse un santuariu sobre'l pozu con una estatua de la Virxe María. La inscripción nel pozu reza "Tobhar Naoimh Blathnaidh". El llugar foi un encuadre históricu pal Pelegrinaxe d'Añu Santu del 4 d'agostu de 1974.[6]

Referencies editar