Monitor de matriz pasiva

Les pantalles de cristal líquido apaecieron en 1971 en preseos como calculadores, relós dixitales y otros.

Tán formaes por dos filtros polarizantes con fileres de cristales líquidos alliniaos perpendicularmente; aplicando una corriente llétrico a los filtros consíguese que la lluz pase o non dependiendo de que lo dexe o non el segundu filtru. Si entrepólense trés filtros adicionales de colores básicos (colloráu, verde, azul), llógrense pantalles que reproducen imáxenes en color. Ésta ye la base de les pantalles DSTN, o de matriz pasiva, que s'emplegaron n'ordenadores portátiles y otros preseos móviles, porque teníen ventayes frente a les pantalles de tubu de rayos catódicos (TRC o CRT), emplegaes nel monitores de televisión y n'ordenadores o ordenadores de sobremesa. Al escarecer de tubu, les pantalles DSTN yeren dafechu planes, enforma más delgaes, consumíen menos enerxía y teníen menos emisiones radiactives, pero la calidá del color yera peor y el so preciu enforma más eleváu.