Monsalupe

Monsalupe, conceyu de la provincia d'Ávila, Comunidá Autónoma de Castiella y Llión, España.

Monsalupe
Alministración
País	España
Autonomía	Castiella y Lleón
Provincia	provincia d'Ávila
Tipu d'entidá	conceyu d'España
Alcaldesa de Monsalupe (es)	María Isabel Arribas Herráez
Nome oficial	Monsalupe (es)
Códigu postal	05163
Xeografía
Coordenaes	40°46′07″N 4°46′52″W
Monsalupe Monsalupe (España)
Superficie	17.5 km²
Altitú	1002 m
Llenda con	Ávila, Bularros, Aveinte, San Juan de la Encinilla, Las Berlanas, Peñalba de Ávila y Cardeñosa
Demografía
Población	59 hab. (2023) - 36 homes (2019) - 35 muyeres (2019)
Porcentaxe	0.04% de provincia d'Ávila 0% de Castiella y Lleón 0% de España
Densidá	3,37 hab/km²
Más información
Estaya horaria	UTC+01:00
monsalupe.es

Situación

Ta asitiáu a 17 quilómetros de la capital, cola cual llinda'l so términu municipal; a 129 de Madrid y 85 de Salamanca.

Llenda al oeste con Aveinte; al sur con Ávila y Bularros; al este con Cardeñosa y Peñalba de Ávila; y al norte con Las Berlanas y San Juan de la Encinilla. El so términu municipal tien una superficie de 17,5km². Pertenez a la histórica contorna de La Moraña.

Paisaxe de Monsalupe.

Coordenaes

• Altitú: 1002-1008 m.
• Llatitú: 40º 46' 00" N
• Llargor: 004º 46' 59" O

Población

Esti enclave rural representa'l típicu pueblu castellanu casi y cada vez más despoblado de resultes de la migración a otres zones más industrializaes como Barcelona, Bilbao, Valladolid y sobremanera Madrid, onde moren de normal la mayoría de los habitantes que pueblen esta villa mientres los meses de branu y Selmana Santa; prueba d'ello esta en que mientres estos periodos del añu la so población residente multiplícase notablemente, hasta algamar los 350 habitantes aproximao.

• Habitantes a 1 de xineru de 2004: 73. Homes, 34. Muyeres, 39.
• Densidá de población: 4,17hab/km².

• Variación demográfica del conceyu ente 1991 y 2011:
  • 2011: 53 hab.
  • 2005: 68 hab.
  • 2004: 73 hab.
  • 2001: 78 hab.
  • 1996: 99 hab.
  • 1991: 123 hab.

Mientres los años 70 y 80 la mocedá del pueblu viose obligada a emigrar a les grandes ciudaes onde s'atopaba'l trabayu, lo que fizo que Monsalupe, al igual que munchos pueblos del interior tradicionalmente ganaderos y llabradores, quedaren cada vez más despoblados.

Anguaño Monsalupe ta habitáu por una vieya población que solo queda maquillada mientres los meses de branu, pontes y Selmana Santa, cola llegada de mozos descendientes afincaos en Madrid, Ávila y, en menor midida, Valladolid, Barcelona y Bilbao.

Toponimia

Monsalupe ye un nome en llatín qu'en castellán significa monte de llobos "monte(monsa)-(lupe)llobu", de xuru por cuenta de la esistencia de llobos na zona n'otres dómines. (Entá güei queden dellos exemplares).

Historia

La fecha de fundación orixinal ye desconocida enagora. La Contorna foi habitada por celtes y vetonos en dómina prerromana. Sábese que'l pueblu inicial taba asitiáu a 1,5 km(la ferrada descubierta en 2006) d'onde güei permanez el conceyu y que se treslladó nel sieglu XV de resultes d'una invasión de formigues nel terrén onde taba asitiáu'l pobláu inicial.

Nel añu 2006 les obres de restauración d'una ponte sobre la vía ferrial Ávila-Salamanca desenterraron un campusantu medieval con 27 tumbes d'orixe cristianu primitivu y que s'envalora daten del sieglu XI y el XVI na zona conocida como “El Egido” correspondiente al pobláu de La Rath, que va ser declaráu “xacimientu arqueolóxicu”.

Tamién s'atoparon monedes y restos de cal utilizáu nel Medievu mientres los periodos de plagues pa torgar l'andada. Nun se destacar la esistencia de más restos cerca de la necrópolis. Los cuerpos atopaos, según les monedes, van pasar a formar parte de los fondos arqueolóxicos del Muséu d'Ávila.

Patrimoniu

• Ilesia de San Pablo, sieglu XV.
• Ermita municipal.
• Montecillo de Monsalupe.
• Molinucos del Cuetu de Mariña Morica.

Turismu Rural

Monsalupe ye un singular llugar qu'ufierta amplies zones pal descansu y l'esfrute de bellos paisaxes a tan sòlo 14 km de la capital provincial y a una hora y cuartu de Madrid. Llinde natural ente les contornes de Sierra y La Moraña, Monsalupe destaca sobre otros pueblos de la zona por disponer d'amplies zones arbolaes(monte y encinares)que faen del conceyu un llugar único y formoso pa folgar, alendar aire puro y pasar un prestosu día de campu. Encamentando pa esti fin "Los Molinucu". (Nome col que se denomina a una zona dientro del términu municipal de Monsalupe, carauterizada por tar enclavada nun pequeñu valle arrodiáu de vexetación: Pinos, encines y chopos y pol que na dómina húmeda ta estremáu por un regueru que bordia lo que güei queda d'un vieyu molín que da nome a esti singular llugar.)

Costumes

Anque apenes hai mozos nel pueblu, l'actividá agricola y gandera entá ye importante, destacando'l cuidu d'oveyes y el cultivu de xirasol, trigu y otres ceberes. Tamién ye habitual guardar como los mayores del llugar pasen el so tiempu cultivando hortolices, realizando matances coles que se faen gatafos y salchichones o xugando tranquilamente la partida al mus, tute o brisca. Otru costume típica ye la de pasiar toles tardes que les condiciones meteorologicsa dexar, y asina dialogar tranquilamente con amigos y vecinos de la llocalidá. Mientres les fiestes de branu, realízase un campeonatu municipal de calva con gran númberu de participantes y partíes bien apasionaes. Destacada mención merez citar la recueya de cogordes mientres la seronda y la de zarzamoras pel branu.

Fiestes

• Patronales:2 d'ochobre.
• De branu:selmana del 15 al 21 d'agostu.

Cómo llegar

• Esviadura: km 14 de la carretera Nacional Àvila-Salamanca.
• Autovía Àvila-Salamanca. Salida Las Berlanas.
• Estación Monsalupe del ferrocarril Àvila-Salamanca.

Enllaces esternos

• Wikimedia Commons acueye conteníu multimedia sobre Monsalupe.

• Datos: Q1611004
• Multimedia: Monsalupe