Necrópolis

Una necrópolis ye una especie de campusantu o llugar destináu a enterramientos. Etimolóxicamente significa ciudá de los muertos/cadabres, pos provién del griegu antiguu: 'νεκρος "necros", muertu o cadabre, y πολυς polys, ciudá-Estáu. El términu emplégase de normal pa designar campusantos pertenecientes a grandes urbes, según pa les zones d'enterramientu que s'atoparon cerca de ciudaes d'antigües civilizaciones.

Les necrópolis fueron construyíes por delles razones, dacuando eminentemente relixoses, como la Necrópolis de Guiza, n'Exiptu. El llamáu Valle de los Reis surde durante l'Imperiu Nuevu, frente a Tebas, col propósitu d'evitar los periódicos robos de les riques dotes funeraries de faraones y nobles exipcios, configurando los enterramientos como luxoses galeríes soterrañes, pero despintando y sellando los sos accesos; la gran mayoría fueron escalaes pocos años dempués.

Munches cultures fundaron necrópolis en respuesta a la prohibición de prauticar enterramientos dientro de les llendes urbanes. Los caminos que partíen de les ciudaes fueron ornados con monumentos funerarios, especialmente nel Imperiu romanu. Entá pueden trate na Vía Apia de Roma, n'Italia y en Hierapolis en Pamukkale, Turquía

Un bon exemplu de necrópolis n'América na llamada Cultura San Agustín con antigüedá cimera a 2000 años e.C. y onde se soterraben los caciques principales de les etnies Americanes.

N'España y Portugal caltiénense necrópolis de dómina anterior a Cristu, como les celtibériques, y posteriores, de la Repoblación na Edá Media (sieglos IX-XI).

Durante'l sieglu XIX les necrópolis monumentales gociaron d'un resurdimientu, afaláu pola moda victoriana, con grandes y ellaboraos sepulcros.

Necrópolis

Referencies

Enllaces esternos