Monte Tai
Taishan (泰山) ye un monte en Tai'an, Shandong, China. El so picu denomínase Emperador de Jade con 1.545 metros d'altitú. Ye unu de los cinco montes sagraos del taoísmu en China. Los templos qu'esisten nél son un destín de pelegrinaxe dende hai 2000 años. Foi declaráu como Patrimoniu de la Humanidá pola Unesco nel añu 1987, tomando una zona protexida de 25.000 ha.[1]
| Patrimoniu de la Humanidá — UNESCO | |
|---|---|
 Atapecer nel monte Tai. | |
| Llugar |
 China |
| Criterios | Mixto: i, ii, iii, iv, v, vi, vii |
| Referencia | 437 |
| Inscripción | 1987 (XI Sesión) |
| Área | Asia y Oceanía |
 | |
La tradición china diz que'l sol empieza'l so percorríu diariu nesi monte. Por eso, ver la salida del sol dende Taishan ye la máxima aspiración de too chinu.
Solamente cinco emperadores xubieron hasta'l visu a lo llargo de la historia, anque Qianlong de la dinastía Qing fízolo en delles ocasiones. Tamién persones como Confucio o Mao Zedong realizaron la dura ascensión.
El picu ye accesible n'autobús dende la base hasta la Puerta del Mediu Camín al Cielu y depués en teleféricu dende ellí. Sicasí la forma tradicional de xubir ye percorriendo'l camín que tien 6.600 pasos de piedra que conducen hasta'l cume. La ruta central lleva unes dos hores hasta la puerta del Mediu Camín al Cielu, y d'ehí otres dos o tres hores hasta'l cume.
A lo llargo del camín atópense los Templos Puzhao y Guandi y tamién el Palaciu de la Puerta Colorada construyíu en 1626. A metá de l'ascensión tán el Templu Doumu del sieglu XVI y la Puerta Celeste del Mediu.
Llégase al visu en cruciando l'Arcu de la inmortalidá y la Puerta sur del cielu. Dende la cume tiense accesu al Templu de la Princesa de les Nubes Azules y al Templu del Emperador Augusto de Jade, asitiáu a un altor de 1.524 metros.
Ver tamién
editarBibliografía
editar- Goossaert, Vincent (2008). The Encyclopedia of Taoism A-Z. Nueva York: Fabrizio Pregadio, páx. 481-482.
Referencies
editar- ↑ «Mount Taishan - UNESCO World Heritage Centre» (inglés).
Enllaces esternos
editar
Wikimedia Commons acueye conteníu multimedia sobre Monte Tai.- http://china.chinaa2z.com/china/html/tourism/2008/20081021/20081021151317767283/20081021151444697278.html (enllaz rotu disponible n'Internet Archive; ver l'historial y la última versión).
