Montesín

Escritu en 1979 por María Xosefa Canellada, Montesín foi'l primer rellatu de la lliteratura infantil que se fixo n'asturianu. Un verdaderu clásicu de la nuestra lliteratura. El llibru cuenta la historia de Montesín, una cabritina perdida peles tierres qu'arrodien L’Escorial y qu'atopen y curien dos nenos con grandes trabayos.

Montesín
Datos

La primer edición publicóse en 1980 dientro de la coleición Cuadernos de Ayalga/Bable, de la editorial castrillonense Ayalga. Años depués, Ediciones Trabe publicó una edición actualizada del testu que respetó les peculiaridaes de la escritora. Amás, publicóse con unos dibuxos de la ilustradora asturiana Violeta Monreal y con una doble edición en rústica y en tapa dura. La empresa uviedina sacó una segunda edición -tercera del llibru- con motivu de la concesión del Premiu al Pueblu Exemplar 2008 al pueblu de Torazu, d'onde yera Canellada.

L'autora

María Xosefa Canellada ye una de les principales escritores asturianes d'esti sieglu. Nació en L'Infiestu en 1913. Estudiosa de la llingua y de los cuentos y tradiciones d'Asturies, publicó en 1990 el rellatu Malia, Mariantia y yo. Morrió en 1995.

Repercusión na cultura asturiana

El testu foi'l primer llibru de la historia de la lliteratura infantil n'asturianu, nuna época en que l'asturianu tovía nun entrara nel sistema educativa y onde se taba lluchando pa qu'echara andar l'Academia de la Llingua Asturiana, polo que'l testu publicóse enantes de que'l nuestru idioma tuviera unes normes ortográfiques.

Actualmente, Ediciones Trabe convoca cada dos años el Premiu de Lliteratura Infantil y Xuvenil Montesín, n'homenaxe al llibru. Amás, la so coleición de lliteratura infantil y xuvenil tamién lleva'l nome de la cabritina.

Enllaces esternos

• Wikimedia Commons tien conteníu multimedia tocante a Montesín.

• Datos: Q25578771