Morpho helenor achillides
La Morpho helenor achillides ye una de les subespecies qu'integren la especie M. helenor, un lepidópteru ditrisio nimfálido del xéneru Morpho. Habita en rexones selváticas de Suramérica.[1][2] [3]
Morpho helenor achillides  | ||
|---|---|---|
.JPG) | ||
| Clasificación científica | ||
| Reinu: | Animalia | |
| Filu: | Arthropoda | |
| Clas: | Insecta | |
| Orde: | Lepidoptera | |
| Suborde: | Glossata | |
| Infraorde: | Heteroneura | |
| División: | Ditrysia | |
| Seición: | Rhopalocera | |
| Familia: | Nymphalidae | |
| Subfamilia: | Morphinae | |
| Tribu: | Morphini | |
| Xéneru: | Morpho | |
| Especie: | M. helenor | |
| Subespecie: |
M. h. achillides C. Felder & R. Felder, 1867 | |
| Sinonimia | ||
| ||
| Consultes | ||
| [editar datos en Wikidata] | ||
.JPG)
Taxonomía y carauterístiques
editarEsti taxón foi descritu orixinalmente nel añu 1867 polos entomólogos austriacos Cajetan Freiherr von Felder y el so fíu Rudolf von Cayetan Felder.
Morpho helenor achillides mide 120 mm.
Dorsalmente ye negra con una ancha franxa azul brillante, con mancha blanca en parte central del marxe anterior y puntos del mesmu color en sector esterior de les anteriores, pasando a ser nes posteriores color coloráu lladriyu. Ventralmente so un patrón castañu, amuesa grandes ocelos centrales, y marques blanques y acolorataes. Nes ales posteriores amuesa una franxa central de color celeste.
Distribución xeográfica
editarMorpho helenor achillides distribùise en selves de Suramérica. Atópase en Brasil, nos estaos de: Minas Gerais, São Paulo, Paraná, Santa Catarina, Rio Grande do Sul[4][5] y nel Distritu Federal.[6]
Tamién habita nel Paraguái, y nel nordeste de l'Arxentina, nes provincies de: Chaco, Corrientes, Formosa y Misiones. Nesta postrera bríndase-y proteición en delles árees de caltenimientu, por casu sobre'l ríu Iguazú, na reserva privada Yacutinga, y nel parque nacional Iguazú.[7][8]
Costumes
editarLa Morpho helenor achillides ye una caparina grande, llamativa, de vuelu poderosu, lentu, ondulante, a baxa o mediu altor, con habituales planeos y sópitos aleteos, xeneralmente percorriendo senderos en sectores avesíos y húmedos de les selves onde habita. Pósase sobre frutos lleldaos que cayen al pisu, o sobre escrementos. Al ser asustada alloñase de l'amenaza escontra sectores trupos volando rápida y erráticamente pa desorientar a la fonte de peligru, aumentando la celada posándose de sópitu pa quedar totalmente quieta y coles ales zarraes, col enfotu del so mimetismu alar ventral.
Los canesbes o gates de Morpho helenor achillides aliméntense de les fueyes de Lonchocarpus, Genipa americana, Inga, Machaerium y Platymiscium.
Referencies
editar- ↑ (n'inglés) http://butterfliesofamerica.com/L/morpho_helenor_achillides_types2.htm Butterflies of America.
- ↑ (n'inglés) http://ftp.funet.fi/index/Tree_of_life/insecta/lepidoptera/ditrysia/papilionoidea/nymphalidae/morphinae/morpho/ Morpho.
- ↑ (n'inglés) http://www.naturalista.mx/taxa/345756-Morpho-helenor-achillides Morpho helenor achillides - Naturalista.
- ↑ Ritter, C. D., Lemes, R., Morais, A. B. B. D., & Dambros, C. D. S. (2011).
- ↑ Bonfantti, Dayana, Di Mare, Rocco Alfredo, & Giovenardi, Ricardo (2009).
- ↑ Pinheiro, Carlos Eduardo Guimarães, & Emery, Eduardo de Oliveira (2006).
- ↑ Núñez Bustos, E. O. (2008).
- ↑ Bustos, E. O. N. (2009).
Enllaces esternos
editar
Wikimedia Commons tien conteníu multimedia tocante a Morpho helenor achillides.
| Wikispecies tien un artículu sobre Morpho helenor achillides. |
Datos: Q16609072
Especies: Morpho helenor achillides
