Mu Orionis
Mu Orionis (μ Ori / 61 Orionis / HD 40932) ye un sistema estelar na constelación d'Orión que la so magnitú aparente conxunta ye +4,12. Alcuéntrase a 155 años lluz del Sistema Solar.
Coordenaes: 
6h 2m 22.997s, 9° 38′ 50.182″
Mu Orionis ye un sistema cuádruple compuestu por dos estrelles binaries, Mu Orionis A y Mu Orionis B, onde caúna d'elles ye de la mesma una binaria espectroscópica. Nel meyor de los casos A y B atópense separaes visualmente unes décimes de segundu d'arcu, polo que nun pueden ser resueltes per aciu telescopiu. El par menos masivu, Mu Orionis B, orbita en redol a Mu Orionis A cada 18,644 años. Anque la separación media ente dambes binaries ye de 12,7 UA, l'acusada escentricidá de la órbita fai qu'ésta fluctúe ente 3,3 y 22 UA. Los cuatro estrelles que formen el sistema son estrelles de la secuencia principal.
La componente principal de Mu Orionis A, denomada Mu Orionis Aa, apodera la lluz proveniente del sistema. Anque catalogada de tipu espectral A2, ye una estrella con llinies metáliques (Am), que la so temperatura de 8350 K avérase más a una estrella de tipu A5. Tien una masa de 2,1 mases solares, una lluminosidá 32 vegaes mayor que la del Sol y un radiu de 2,9 radios solares. Como correspuende a una estrella Am, xira amodo sobre sigo mesma, siendo'l so periodu de rotación de 13 díes. Mu Orionis Ab, muncho más tenue que la so compañera, ye probablemente una estrella de tipu G con una masa similar a la solar. Les dos estrelles, separaes 0,077 UA, completen una vuelta cada 4,447 díes.
Mu Orionis B ta compuesta por dos estrelles ximielgues de tipu F5, Mu Orionis Ba y Mu Orionis Bb; caúna d'elles tien una lluminosidá 3 vegaes mayor que la lluminosidá solar y un radiu de 1,3 radios solares. La masa averada de caúna d'elles ye un 40% mayor que la masa solar. La separación ente dambes ye de 0,078 UA (casi exautamente igual a la de les componentes de Mu Orionis A), completando una órbita cada 4,784 díes.
Referencies
editar- ↑ «The quadruple system {mu} Orionis: three-dimensional orbit and physical parameters». The Astronomical Journal: páxs. 1723–1740. 2002. doi:.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ 3,0 3,1 3,2 Afirmao en: SIMBAD.
- ↑ 4,0 4,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ 5,0 5,1 5,2 Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ Ulrich Bastian (marzu 2000). «Catálogo Tycho-2». Astronomy and Astrophysics: páxs. L27-L30.
- ↑ 7,0 7,1 Marwan Gebran (mayu 2016). «A new method for the inversion of atmospheric parameters of A/Am stars» (n'inglés). Astronomy and Astrophysics. doi:.
- ↑ «MK classification for visual binary components» (n'inglés). The Astronomical Journal: páxs. 245–249. abril 1976. doi:.
Coordenaes: 6h 2m 22.997s, 9° 38′ 50.182″
Datos: Q6848312
