Mururoa

Mururoa, tamién llamáu Moruroa, Mururura), historicamente tamién llamáu como Aopuni ye un atolón del archipiélagu de les islles Tuamotu, na Polinesia Francesa. Alministrativamente depende de la comuña de Tureia (Polinesia Francesa), pero foi vencíu pola Asamblea Territorial al Centru d'Esperimentación del Pacíficu, xunto col atolón Fangataufa, para faer pruebes nucleares. Ye una zona militar con accesu prohibíu ensin autorización. Ta asitiáu al sur del archipiélagu, a 1250 km al sureste de Tahití.

Mururoa
Moruroa (fr)
Situación
Coleutividá	Polinesia Francesa
Subdivisión alministrativa	Islles Tuamotu-Gambier
Comuna (es)	Tureia
Tipu	atolón
Parte de	Archipiélago Tuamotu (es)
Asitiáu en	Océanu Pacíficu
Coordenaes	21°50′00″S 138°55′00″W
Mururoa Mururoa (Océanu Pacíficu)
Mururoa Mururoa (Polinesia Francesa)
Datos
Superficie	15 km²
Población	0 (2017)
Fusu horariu	UTC−10:00
Llonxitú	28 km

Xeografía

L'atolón tien una forma ovalada de 28 km de llargu y 11 km d'anchu. Tien un pasu a la llaguna interior al noroeste, de 10,2 metros de fondura y 100 metros d'anchu. La llaguna tien una fondura media de 37 metros. Dispón de dellos edificios y construcciones militares, amás de dos aeropuertos y trés puertos marítimos. Anguaño solo taba habitáu por una unidá militar de vixilancia.

Historia

El nome Moruroa, na llingua de Mangareva, quier dicir «islla del gran secretu». De normal escríbese Mururoa, pero nun esiste una grafía oficial al nun tener una organización alministrativa. L'atolón foi afayáu en 1767 pol inglés Philip Carteret, que la llamó Osnaburg.

En 1792 naufragó'l balleneru Matilda y los supervivientes consiguieron llegar hasta Tahití coles barques de salvamentu. Arriendes de esi naufraxu'l atolón tamién se conoció como Matilda's Rock.

Pruebes nucleares

De 1966 a 1974 realizáronse cuarenta y un pruebes nucleares atmosfériques y, hasta 1995, cientu trenta y siete pruebes soterrañes.

La última campaña d'ensayos, antes de la firma del tratáu de prohibición total d'ensayos nucleares, provocó una serie de protestes internacionales y de bloquéu, sobremanera de países del Pacíficu y d'organizaciones internacionales, como Greenpeace.

Los ensayos fueron abandonaos definitivamente en 1996 y sustituyíos por simulaciones en llaboratoriu.

Na actualidá, l'exércitu francés tien un dispositivu de vixilancia de la evolución xeolóxico y radiolóxico del atolón.

Galería

• 
  Vista del atolón n'avientu de 2005.
• 
  Llaguna de Muroroa en 1972.

Ver tamién

• Fangataufa

Enllaces esternos

• Mururoa se derrumba como consecuencia de las pruebas nucleares.

• Wikimedia Commons acueye conteníu multimedia sobre Mururoa.

• Datos: Q318446
• Multimedia: Mururoa