Muséu de la Memoria de Samartín del Rei Aurelio

El Muséu de la Memoria de Samartín del Rei Aurelio ye un muséu virtual creáu pol Ayuntamientu de Samartín del Rei Aurelio nel añu 2010 col envís de recuperar la memoria histórica del conceyu.

Muséu de la Memoria de Samartín del Rei Aurelio
muséu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Samartín del Rei Aurelio
Parroquia	Blimea
Coordenaes	43°16′53″N 5°37′18″W
Muséu de la Memoria de Samartín del Rei Aurelio Muséu de la Memoria de Samartín del Rei Aurelio (Asturies)
Historia y usu
Orixe del nome	Samartín del Rei Aurelio
Web oficial

Llugar y horariu

Casona del Bravial de Blimea.

Ta asitiáu na Casona del Bravial de Blimea, compartiendo espaciu cola Oficina de Normalización Llingüística de Samartín del Rei Aurelio.El so horariu de visita ye de llunes a vienres de 9 a 13 h, anque puntualmente abre peles tardes si hai dalguna actividá.

Oxetivu

L'oxetivu d'esti muséu ye recoyer y conservar los recuerdos y les esperiencies de les persones que vivieron la historia del nuestru pasáu más cercanu.

Conteníos virtuales

Col traxe rexonal, 1922

Tolos conteníos del muséu tán incluyíos na páxina web [www.mumemo.es]. La páxina ta estructurada en distintos apartaos, dende archivos d'audiu y videu nos que se puen sintir testimonios de vecinos del conceyu hasta semeyes, documentos y periódicos antiguos. Ye un muséu interactivu nel que los vecinos puen collaborar direuta o indireutamente, y les persones que lu visiten puen averase a la historia social y cultural d'una zona minera d'especial relevancia pa la rexón.

Esposiciones

El centru acueye a lo llargo del añu estremaes esposiciones rellacionaes cola llingua asturiana, la cultura y la historia del conceyu.

Estes son dalgunes de les llevaes a cabu nos últimos años:

Esposición de traxes del Grupu Folclóricu "Blimea"

Esposición 50 años del Grupu Folclóricu Blimea - febreru 2010.

Esposición sobre'l Grupu Teatru Refaxu

Esposición XV Aniversariu del Grupu Teatru Refaxu - payares 2010

Esposición de l'Asociación Parkinson Asturias

Esposición sobre l'Asociación Parkinson Asturias - febreru 2011

"Goce la tierra. El rakú nes manes de Manuel Cimadevilla"

Esposición fotográfica d'Henrique G. Facuriella titulada "Goce la tierra. El rakú nes manes de Manuel Cimadevilla" - abril 2011

Esposición de dibuxu y pintura de David Fernán

Esposición de dibuxu y pintura del artista entreguín David Fernán - ochobre 2011

Esposición Patrimoniu relixosu Samartín

Esposición "Patrimoniu artísticu relixosu de Samartín del Rei Aurelio" - febreru 2012

Esposición de pintura de José Luis Torrico

Esposición de fotografía y pintura "XENTE, LLUGARES" de José Luis Torrico y Ekaterina Izmestieva - marzu 2012

Esposición de pintura "Puente sobre Estigia. Ente la lluz y el mieu"

Esposición "Puente sobre Estigia. Ente la lluz y el mieu" de l'artista blimeína Marián González Fanjul- xunu 2012

Esposición sobre'l Descensu del Seya

Esposición fotográfica de l'Asociación Amigos de Parres sobre'l Descensu Internacional del Seya con motivu de los actos d'hermanamientu de los ríos Seya y Nalón- setiembre 2012.

Esposición de pintura "Lluces y solombres"

Esposición de dibuxu y pintura "Lluces y solombres" de David Amores Ayala- febreru 2013.

Esposición sobre la canción asturiana en Samartín

Esposición "Hai una lletra cantada" sobre la canción asturiana en Samartín del Rei Aurelio. Acompañóse amás d'una esposición d'instrumentos tradicionales fabricaos artesanalmente - setiembre 2013.

Esposición sobre'l Castiellu de Blimea

Esposición "El castiellu de Blimea. Historia, lleendes, abandonu" - febreru 2014.

Referencies

https://www.lne.es/nalon/2010/01/23/san-martin-memoria/863265.html

https://www.elcomercio.es/20100122/asturias/inaugurada-casona-bravial-como-201001221905.html

Enllaces esternos

• Páxina del Muséu de la Memoria Archiváu 2014-02-27 en Wayback Machine
• Páxina web del Ayuntamientu de Samartín del Rei Aurelio Archiváu 2013-10-19 en Wayback Machine

• Datos: Q24939797