National Collegiate Athletic Association

(Redirixío dende NCAA)

La National Collegiate Athletic Association (NCAA) ye una asociación compuesta de 1281 instituciones, conferencies, organizaciones ya individuos qu'entamen la mayoría de los programes deportivos universitarios nos Estaos Xuníos d'América. La so sede ta anguaño asitiada n'Indianapolis, Indiana.[1]

National Collegiate Athletic Association
organización ensin ánimu de llucru, federación deportiva y organización
Llocalización
Sede Indianapolis
Direición Estaos Xuníos
Historia
Fundación1906
Organigrama
Presidente Mark Emmert (abril 2010)
Charlie Baker (1r marzu 2023)
Participación empresarial
Forma parte de
Formáu por División I de la NCAA
División II de la NCAA (es) Traducir
División III de la NCAA (es) Traducir
Web oficial
Cambiar los datos en Wikidata

La NCAA ye la mayor y más importante entidá del so ámbitu nos Estaos Xuníos, pero nun ye la única. Convive cola National Association of Intercollegiate Athletics (NAIA), la United States Collegiate Athletic Association (USCAA) y la National Junior College Athletic Association (NJCAA).

Historia editar

 
Oficines centrales de la NCAA, n'Indianapolis (Indiana).

La so predecesora, l'Asociación Interuniversitaria de Deporte de los Estaos Xuníos (IAAUS poles sos sigles n'inglés), foi creada'l 31 de marzu de 1906 p'afitar les regles del deporte amateur nos Estaos Xuníos. La so creación foi suxurida pol entós presidente Theodore Roosevelt como reacción a la so esmolición pola creciente cantidá de mancadures series y muertes nel fútbol universitario. La IAAUS dempués convirtióse na NCAA en 1910.

Hasta 1955 nun tenía nengún tipu de divisiones.

En 1956 estremar en dos divisiones: la University Division qu'incluyó a les instituciones de mayor tamañu, y la College Division, qu'arrexuntó a les universidaes más pequeñes.

N'agostu de 1973, esanició les divisiones University y College, y partió a los sos miembros en 3 divisiones: División I, División II, y División III. De magar, so les regles de la NCAA, les universidaes de la División I y la División II puede ufiertar beques a los alumnos por practicar dalgún deporte. Les universidaes de la División III sicasí, nun pueden ufiertar eses beques.

Hasta los años 80, l'asociación nun ufiertaba deportes femeninos. En 1982, sicasí, toles divisiones de la NCAA ufiertaben campeonatos nacionales pa muyeres.

Organización editar

 
Estandartes de Campeones de 2006 colgando del NCAA Hall of Champions n'Indianapolis.

La estructura llexislativa de la NCAA esta delegada en gabinetes y comités, formaos por miembros representantes de les universidaes. Éstos, de la mesma, tán estremaos en sub-comités. Los reglamentos pasen d'ellí al Conseyu d'Alministración, que supervisa tolos gabinetes y comités, y que tamién inclúi a representantes de les universidaes, como direutores deportivos y asesores académicos. La llexislación del Conseyu d'Alministración pasa a la Board of Directors, que ta formáu polos rectores de les universidaes, pa la so aprobación definitiva.

El personal de la NCAA apurre soporte, actúa de guía, contautu, investigación y rellación colos medios de comunicación. El presidente actual de la NCAA ye Myles Brand, antiguu direutor de la Universidá d'Indiana.

Deportes editar

La NCAA entama na actualidá campeonatos nacionales nos siguientes deportes:

Masculín Femenín Divisiones
atletismu X X I, II y III

X

X I, II y III
baloncestu X X I, II y III
Béisbol X I, II y III
bolos X -align=center campu al traviés X X I, II y III
esgrima X X -align=center esquí alpín X X -align=center fútbol X X I, II y III
fútbol americanu X I -FBS-, I -FCS-, II y III
ximnasia artística X X -align=center golf X X I, II y III
ḥoquei sobre xelu X X I y III
ḥoquei sobre yerba X I, II y III
lacrosse X X I, II y III
llucha llibre deportiva X I, II y III
natación y saltos de trampolín X X I, II y III
remu X I, II y III
sóftbol X I, II y III
tenis X X I, II y III
tiru X X -align=center voleibol X X I/II conxuntu y III (masculín)
I, II y III (femenín)
voleibol de sablera X -align=center water-polo X X única

Hasta 1961 tamién s'incluyía'l boxéu.

N'otros deportes universitarios que se practiquen y que nun tán supervisaos pola NCAA, esisten organizaciones equivalentes que regulen la competición, como por casu:

Deporte !Organizador
equitación Intercollegiate Horse Show Association (IHSA) & National Collegiate Equestrian Association (NCEA)
ḥoquei sobre patinos National Collegiate Roller Ḥoquei Association (NCRHA)
remu masculín Intercollegiate Rowing Association (IRA)
rodiu National Intercollegiate Rodiu Association (NIRA)
rugbi USA Rugby
squash United States College Squash Association (CSA)
vela Inter-Collegiate Sailing Association of North America (ICSA)

Conferencies editar

Les 3 divisiones arrexunten a los sos miembros en distintes conferencies, que pueden vese nos artículos correspondientes a cada división:

Popularidá editar

La Football Bowl Subdivision, la principal subdivisión de fútbol americanu superó los 38 millones d'espectadores en 2013, con un permediu de 45.000 por partíu. 21 equipos superaron los 70.000 espectadores permediu nos sos partíos de llocal.[2]

A partir de la década de 1950, los diversos campeonatos de la NCAA empezaron a ser televisaos n'Estaos Xuníos a nivel nacionalsobremanera'l fútbol americanu y baloncestu masculín. Los sos principales socios actuales son les cadenes CBS, ABC, ESPN y Fox Sports, anque delles conferencies y universidaes tienen canales propies. Los principales bowls de fútbol americanu y los partíos decisivos del campeonatu de baloncestu masculín superen los 10 millones de televidentes.

Electronic Arts publicó numberosos videoxuegos de la NCAA ente 1998 y 2013, ente ellos NCAA Football y NCAA Basketball.

Requisitos de deportistes editar

Los deportistes tienen de completar la secundaria, asistir a un mínimu de cursos de distintes árees, y un mínimu de permediu de notes y puntuaciones del SAT. Los deportistes tienen de ser amateurs, lo que significa que se prohibe roblar contratos con empreses o representantes, recibir salarios o premios por resultancies, y realizar actividaes con profesionales.

Ver tamién editar

Referencies editar

  1. «NCAA» (inglés). Consultáu'l 2 d'avientu de 2016.
  2. 2013 football attendance - National Collegiate Athletic Association

Enllaces esternos editar