NGC 6884
NGC 6884 ye una nebulosa planetaria na constelación de Cygnus de magnitú aparente 12,5. La distancia a la que s'atopa varia ente 4.600 y 15.700 años lluz según la fonte consultada, pudiéndose adoptar la distancia de 6.500 años lluz como valor mediu ente les distintes distancies publicaes.[1]
 NGC 6884 | ||
|---|---|---|
 | ||
| Datos d'observación: Dómina J2000.0 | ||
| Ascensión reuta | 20h 10m 23.7s | |
| Declinación | +46° 27′ 39.8" | |
| Distancia | 6.500 al aprox | |
| Magnitú aparente (V) | 12,5 | |
| Tamañu aparente (V) | 6 segundos d'arcu | |
| Constelación | Cygnus | |
| Carauterístiques físiques | ||
| Otres designaciones | NGC 6766 / PK 82+7.1 | |
| [editar datos en Wikidata] | ||
La imaxe de la nebulosa amuesa un brillosu nucleu elípticu con dos lóbulos d'emisión d'intensidá distinta, empobinaos aproximao en direición este oeste, arrodiaos por un halo estendíu d'unos 70 segundos d'arcu de tamañu. Les imáxenes n'alta resolución demuestren que la nebulosa ye desaxeradamente grumosa y filamentosa, y que tien un cascu central elípticu. Tolos datos concuerden con que les espirales representen dos fluxos bipolares con una velocidá d'espansión constante d'unos 55 km/s, pero esistiendo un movimientu de precesión que'l so periodu ye unu de los más curtios que se conocen.[1]
La estrella central, de magnitú de 15,6, tien una temperatura efectivo averada de 100.000 K.[2] Les determinaciones de los conteníos de distintos elementos químicos suxeren un arriquecimientu en carbonu, nitróxenu y neón, y un emprobecimientu en cloru y azufre.[2]
Esti oxetu tien una entrada doble nel catálogu NGC: como NGC 6884 y como NGC 6766. Esta nebulosa afayóse nel añu 1883.
Ver tamién
editarEnllaces esternos
editarReferencies
editar- ↑ 1,0 1,1 Miranda, L.F., Guerrero, M.A. & Torreles, J.M. (1999). «Multiwavelength Imaging and Long-Slit Spectroscopy of the Planetary Nebula NGC 6884: The Discovery of a Fast Precessing, Bipolar Collimated Outflow». The Astronomical Journal 1117. páxs. 1421-1432. http://www.journals.uchicago.edu/doi/abs/10.1086/312969.
- ↑ 2,0 2,1 Hyung Siek, Lawrence H. Ayer, Walter A. Feibelman (1997). «The Spectrum of the Planetary Nebula NGC 6884». The Astrophysical Journal Supplement Series 108 (2). páxs. 503-513. http://www.journals.uchicago.edu/doi/abs/10.1086/312969.
