NGC 7727
NGC 7727 ye una galaxa asitiada na constelación d'Acuariu a una distancia de 23,3 megaparsecs (76 millones d'años lluz) de la Vía Lláctea[1] que pue vese con telescopio d'aficionáu
| NGC 7727 | ||
|---|---|---|
.jpg) | ||
| Datos d'observación (dómina J2000.0) | ||
| Tipu |
| |
| Ascensión reuta | 23h 39m 53.9s[1] | |
| Declinación | -12° 17' 35"][1] | |
| Distancia | 76 millones d'al][1] | |
| Magnitú aparente (V) | 11,00][1] | |
| Tamañu aparente (V) | 4,1' × 3,2'][1] | |
| Constelación | Acuariu | |
| Otres designaciones | ||
Arp 222 / PGC 72060 | ||
| [editar datos en Wikidata] | ||
Trátase d'una galaxa peculiar qu'apaez nel Atles de galaxes peculiares de Halton C. Arp cómo Arp 222 y la considerancia de galaxa con brazos espirales amorfos, y con toa probabilidá ye la resultancia del choque y posterior fusión de dos galaxes espirales previes que tuvo llugar fai mil millones d'años,[2] pudiéndose apreciar nel so centru dos puntos de lluz brillosu, siquier unu de los cualos ye'l d'una de les dos galaxes previes que topetaron pa dar llugar a ésti oxetu.[3]
Ésa zona central ta arrodiada por plumes y corrientes d'estrelles resto tamién de les galaxes que topetaron, amás d'esistir un total de 23 oxetos candidatos a cúmulos globulares mozos nacíos nel choque que dio llugar a NGC 7727.[2]
NGC 7727 ye considerada bien similar a NGC 7252, otra galaxa que tamién se piensa ye la resultancia del choque y fusión de dos galaxes previes asitiaes na mesma constelación; sicasí contién abondo menos gas (hidróxenu neutro y hidróxenu molecular) qu'ésta[4]
El destín últimu d'ésti sistema con toa probabilidá ye acabar convertíu nuna galaxa elíptica, con apenes polvu interestelar y formación estelar.[5]
Referencies
editar- ↑ 1,0 1,1 1,2 1,3 1,4 1,5 «NASA/IPAC Extragalactic Database». Results for NGC 7727. Consultáu'l 21 d'avientu de 2013.
- ↑ 2,0 2,1 Crabtree, D. R.; Smecker-Hane, T. (Avientu 1994), «Young Star Clusters and CO Gas in the Galaxy Merger, NGC 7727 (Arp 222)», Bulletin of the American Astronomical Society 26: 1499, http://cdsads.u-strasbg.fr/cgi-bin/nph-bib_query?1994BAAS...26.1499C&db_key=AST&nosetcookie=1
- ↑ Notes for Object NGC 7727 (NED)
- ↑ Georgakakis, A.; Forbes, D. A.; Norris (Ochobre 2000), «Cold gas and star formation in a merging galaxy sequence», Monthly Notices of the Royal Astronomical Society 318 (1): 124-138, http://adsabs.harvard.edu/abs/2000MNRAS.318..124G
- ↑ NGC 7727 - Clash of the Titans
