Nadia Al-Kokabany (1968Taiz (es) Traducir) ye una arquiteuta, escritora, académica y novelista yemenina qu'hai incursionado na creación d'hestories curties y artículos académicos.[2]

Nadia Al-Kokabany
Vida
Nacimientu Taiz (es) Traducir1968 (55/56 años)
Nacionalidá Bandera de Yeme Yeme
Estudios
Estudios Universidá d'El Cairu
Universidá de Sana'a
Llingües falaes árabe[1]
Oficiu novelista, arquiteuta, escritoraprofesora universitaria
Emplegadores Universidá de Sana'a
Cambiar los datos en Wikidata

Biografía editar

Estudió arquiteutura na Universidá de Sana'a, prosiguiendo estudios de doctoráu na mesma especialidá na Universidá d'El Cairu en 2008, antes de tornar al so país pa ocupar un puestu académicu na Universidá de Sana'a.[3]

La so primer obra lliteraria foi una hestoria curtia na revista al-Thawra.[4] De magar, publicó delles coleiciones de cuentos, empezando con Zaferat Al-Yasmeen en 2001. El so primera novela, titulada Hubb laysa illà (asturianu: Non más qu'amor), apaeció en 2006; foi siguida en 2009 por Aqeelat, una hestoria sobre les vides de 19 muyeres yemenines. Tamién en 2009, formó un grupu lliterariu llamáu Meeting Yesterday con otros autores yemeninos como Ali al-Moqri, Samir Abdul-Fatah y Wajdi al-Ahdal.

Recibió dellos premios lliterarios tantu en Yeme como nel estranxeru. Ente ellos atopen el Premiu Suad al-Sabah en 2000 (segundu premiu) y el Premiu del Presidente Yemenín pa Escritores Nuevos (2001). En 2009, foi convidada a participar del primer taller d'escritores (nadwa) entamáu por IPAF, y el so trabayu foi incluyíu na antoloxía resultante titulada Emerging Arab Voices. El so trabayu apaeció traducíu en dos númberos de la revista Banipal, en 2005 y en 2009. Tamién foi traducida al francés y al alemán.

Al-Kokabany ta casada y tien trés fíos.

Referencies editar

  1. «idRef» (francés). Agencia Bibliográfica de Enseñanza Superior. Consultáu'l 6 marzu 2020.
  2. «Nadia Al-Kokabany» (inglés). Words without Borders. Consultáu'l 16 de marzu de 2018.
  3. «Yemen’s Women Hoping for a New Yera» (inglés). The New York Times (6 de xunu de 2011). Consultáu'l 16 de marzu de 2018.
  4. Entrevista con Nadia Al-Kokabany en Yemen Observer, xineru de 2010.

Enllaces esternos editar