Necrofilia homosexual nel ánade real

La necrofilia homosexual nel ánade real fai referencia a un comportamientu documentáu per primer vegada en 1995 nos Países Baxos. La necrofilia n'animales asocede cuando un animal vivu copula con un animal muertu. El casu más conocíu ye'l vió Kees Moeliker del Muséu d'Historia Natural de Rotterdam al reparar n'actividaes sexuales fuera de la so oficina ente un ánade real vivu y otru muertu.[1] Dos ánades machos (unu de cada diez ánades reales ye homosexual) taben executando un vuelu de violación, típicu comportamientu na conducta sexual de los ánades, cuando topetaron contra la so ventana. «Cuando unu d'ellos morrió, l'otru foi a por él y nun recibió nenguna respuesta negativa (bono, nun recibió nenguna respuesta)». Moeliker describió'l casu como «necrofilia homosexual». Informóse científicamente del mesmu en Deinsea 8-2001, al pie d'unes semeyes, y por él Moeliker llogró'l premiu Ig Nobel en bioloxía, dau a la investigación risondera.[2][3]

Necrofilia homosexual nel ánade real
Homosexualidá n'animales y necrofilia (es) Traducir
Cambiar los datos en Wikidata
Un ánade real machu. Unu de cada diez ánades reales son homosexuales.

Amás, reparóse un comportamientu paecíu n'otres especies. Por casu, los sapos de caña machos copulan con otros sapos de caña muertos, ya inclusive con oxetos inanimaos.[4]

Vr tamién editar

Referencies editar

  1. C.W. Moeliker.
  2. DEINSEA diz na so web: "DEINSEA publica estudios y comunicaos breves que tienen que ver cola zooloxía, paleontoloxía y la ecoloxía (urbana).
  3. MacLeod, Donald (8 de marzu de 2005).
  4. Cane Toads: An Unnatural History, documental de 1988 dirixíu por Mark Lewis.

Enllaces esternos editar