Ninjutsu

Ninjutsu
(忍術)
	El kanji pa "ninja"
Tamién	Ninjitsu, Shinobi-jutsu, Ninpo (忍法)
Enfoque	Multidisciplinar, enforma variáu
País d'orixe	Xapón
Artes descendientes	Estilos, los principales: Bujinkan, Genbukan

El ninjutsu foi desendolcáu por dellos grupos de persones principalmente de la provincia d'Iga y de la ciudá de Koka, prefeutura de Shiga, en Xapón. Al traviés de la historia los shinobi foron consideraos asesinos, esploradores y espíes, pero en realidá yeren persones con fuertes creyencies espirituales que refugaben vivir les sos vides d'una manera que nun escoyeren ellos mesmos. Son sobre too conocíos pol so usu del disimulu y l'engañu. Na imaxinación del públicu foron venceyaos a actividaes consideraes criminales por los estándares modernos. A lo llargo la historia munches escueles (ryu) estremaes enseñaron les sos versiones úniques del ninjutsu. Un exemplu d'estes ye la Togakure-ryu. Esti ryu foi desarrolláu por un guerreru samurai vencíu llamáu Daisuke Togakure dempués d'escapar a la rexón d'Iga. Más tarde contautó col monxu guerreru Kain Doshi, que-y aprendió una nueva manera de ver la vida y los medios pa sobrevivir (ninjutsu).^[1]

El ninjutsu construyóse como una coleición de téuniques fundamentalmente pa sobrevivencia nel estáu en guerra del Xapón feudal nel sieglu XIV. Los ninja usaben el so arte p'asegurase la sobrevivencia nuna dómina de violentu baruyu políticu. El ninjutsu incluyía métodos de llograr información y téuniques d'evitar ser descubiertu, fuximientu y desinformación. El ninjutsu tamién pue abarcar entrenamientu n’amarutase, safase, degolar, arquería, medicina, explosivos y velenos.^[2]

Referencies

↑ Hayes, Stephen. “The Ninja and Their Secret Fighting Art.” 1981: 18-21
↑ Hatsumi, Masaaki. “Ninjutsu: History and Tradition.” June 1981

Bibliografía

COLLADO, J.M. (1992). Ninjutsu: Las escuelas tradicionales. España: Editorial deportiva Esteban Sanz
HATSUMI, M., The Essence of Ninjutsu, Contemporary Books.
HATSUMI, M., Ninjutsu: History and Tradition, Unique Publications Inc., U.S.A, 1981.
RATTI, O., WESTBROOK, A., Los Secretos del Samurai: Las Artes Marciales del Japón Feudal, Alianza Editorial.

Enllaces esternos

Sitiu oficial del estilu Bujinkan de Maasaki Hatsumi
Téuniques de ninjutsu na Akban-wiki Archiváu 2010-03-17 en Wayback Machine
Ninjutsu Genbukan Nenriki Dojo - Bill Sensei Archiváu 2010-01-27 en Wayback Machine

[1] Hayes, Stephen. “The Ninja and Their Secret Fighting Art.” 1981: 18-21

[2] Hatsumi, Masaaki. “Ninjutsu: History and Tradition.” June 1981

[1]

[2]