Wikipedia

Nita Naldi

actriz estauxunidense (1895–1961)

Nita Naldi (13 de payares de 1894, Nueva York – 17 de febreru de 1961, Nueva York y Nueva York) foi una de les más esitoses actrices del cine mudu mientres los llocos años venti.

Nita Naldi
Vida
Nacimientu Nueva York, 13 de payares de 1894[1]
Nacionalidá Bandera de Estaos Xuníos d'América Estaos Xuníos
Muerte Nueva York y Nueva York, 17 de febreru de 1961[2] (66 años)
Sepultura Cementerio del Calvario (es) Traducir
Causa de la muerte infartu de miocardiu
Oficiu actriz de teatru, actriz de cine, actriz de televisión
Premios
IMDb nm0620519
Cambiar los datos en Wikidata

Entamos

editar

El so nome real yera Mary Dooley. Nació en Nueva York nel senu d'una familia trabayadora d'orixe irlandés ya italianu. Empezó la so carrera profesional nes Ziegfeld Follies, camudando'l so apellíu irlandés pol más exóticu Naldi, como homenaxe a una amistá de la mocedá d'apellíu Rinaldi.

Carrera

editar

Descubierta en 1919 pol actor John Barrymore, Nita llueu conquistó Hollywood. Col so aspeutu sensual y exótico, darréu foi fotografiada pa un contratu cola Paramount Pictures.

Apaeció na so primer película Dr. Jekyll and Mr. Hyde en 1920 a pidimientu de Barrymore. Primeramente, Nita foi de cutiu escoyida pa papeles de muyer fatal.

El so papel más memorable llegó trabayando col ídolu italianu Rodolfo Valentino nel gran ésitu de 1922 Blood and Sand. L'axugamientu del abiertamente engañador dúu yera tan curiosu pal públicu que Naldi foi coprotagonista en tres películes más de Valentino:The Hooded Falcon y A Sainted Devil (dambes en 1924), y Cobra en 1925. La prensa mentaba de cutiu a Naldi como la "Valentino femenina". Naldi fixo gran amistá con Valentino y protagonizaría el drama de 1925 What Price Beauty?, escritu pola muyer de Valentino, Natacha Rambova. Anque la película foi duramente criticada, fíxose bultable por ser la primera en que trabayó l'actriz Myrna Loy.

Nel momentu cume de la so carrera, Naldi apaeció n'en colosal filme épicu de 1923 Los Diez Mandamientos, dirixida por Cecil B. DeMille. Nita Naldi tamién actuó n'unu de los primeros trabayos del llexendariu direutor Alfred Hitchcock, The Mountain Eagle, en 1926.

A mediaos de los años venti Naldi actuó xunto a populares actores de la dómina, como Leatrice Joy, Conrad Nagel, Maurice Costello, Rod La Rocque, Dorothy Gish, Norma Shearer y Bebi Daniels. La so última apaición na pantalla tuvo llugar na película austriaca de 1929 Pratermizzi, xunto a l'actriz checa Anny Ondra.

Viaxes

editar

A finales de la década viaxó a Europa y filmó delles películes antes de volver a Estaos Xuníos y trabayar nel teatru de Broadway, coles producciones de 1933 The Firebird y Queer People. Como tantes otres estrelles del cine mudu, cola llegada del cine sonoru la so carrera decayó. Nos últimos años venti, cola llegada de la Gran Depresión, el so aspeutu vamp paecía pasáu de moda a los espectadores. Nita eventualmente retiróse y casóse con Searle Barclay en 1929. El matrimoniu duró hasta'l fallecimientu de Barclay el 30 de xineru de 1945. Naldi nun volvió casar se, y nun tuvo fíos.

Últimos años

editar

Salió dacuando del so retiru p'apaecer en pequeños papeles en delles películes, en televisión y nel teatru, el so papel más notable foi la función de 1952 In Any Language, xunto a la llexendaria actriz teatral Uta Hagen.

Nita Naldi morrió d'un infartu agudu de miocardiu na so casa de Nueva York a los 63 años d'edá, y foi soterrada nel campusantu Calvary, en Queens (Nueva York).

Pola so contribución a la industria cinematográfica, Nita Naldi foi gallardoniada con una estrella nel llexendariu Paséu de la Fama de Hollywood, en 6316 Hollywood Blvd.

Filmografía

editar
  • Dr. Jekyll and Mr. Hyde (1920)
  • Life (1920)
  • Common Sin (1920)
  • Last Door (1921)
  • Experience (1921)
  • Divorce of Convenience (1921)
  • Snitching Hour (1922)
  • Reported Missing (1922)
  • The Man from Beyond (1922)
  • For Your Daughter's Sake (1922)
  • Channing of the Northwest (1922)
  • Blood and Sand (1922)
  • Anna Ascends (1922)
  • You Can't Fool Your Wife (1923)
  • Los Diez Mandamientos (1923)
  • Lawful Larceny (1923)
  • Hollywood (1923)
  • The Glimpses of the Moon (1923)
  • A Sainted Devil (1924)
  • Don't Call It Love (1924)
  • The Breaking Point (1924)
  • L'águila del monte (1925)
  • Marriage Whirl (1925)
  • Lady Who Lied (1925)
  • Cobra (1925)
  • Clothes Make the Pirate (1925)
  • The Unfair Sex (1926)
  • The Miracle of Life (1926)
  • Fear O'God (1926)
  • La Femme Nue (1926)
  • What Price Beauty? (1928)
  • The Model From Montmartre (1928)
  • The Golden Mask (1929)
  • You Can't Fool Your Wife (1940)

Referencies

editar
  1. ↑ Afirmao en: Find a Grave. Identificador Find a Grave: 754. Apaez como: Nita Naldi. Data de consulta: 9 ochobre 2017. Llingua de la obra o nome: inglés.
  2. ↑ Afirmao en: Gemeinsame Normdatei. Identificador GND: 1061771024. Data de consulta: 21 xunetu 2015. Llingua de la obra o nome: alemán. Autor: Biblioteca Nacional d'Alemaña.

Enllaces esternos

editar


Sacáu de «https://ast.wikipedia.org/w/index.php?title=Nita_Naldi&oldid=4300139»