Noemí Simonetto
Noemí Simonetto (1 de febreru de 1926, Buenos Aires – 20 de febreru de 2011, Buenos Aires) foi una atleta arxentina que ganó la medaya de plata nos Xuegos Olímpicos de Londres 1948. En 1945 allugóse primer nel ranking mundial de 80 metros con valles, al establecer la marca de 11.5 segundos, y de saltu en llargu, con una marca de 5,76 metros. Ganó 17 medayes (11 d'oru) nos campeonatos suramericanos ente 1941 y 1947. Compitió hasta la década del 90 ya integró el Comité Olímpicu Arxentín. En 1980 recibió'l Premiu Konex - Diploma al Méritu como una de les 5 meyores atletes de la hestoria n'Arxentina.
Noemí Simonetto | |
|---|---|
 | |
| Vida | |
| Nacimientu | Buenos Aires, 1 de febreru de 1926[1] |
| Nacionalidá |
 Arxentina |
| Muerte | Buenos Aires, 20 de febreru de 2011 (85 años) |
| Sepultura | Cementeriu de la Chacarita |
| Oficiu | |
| Oficiu | velocista, atleta |
|
| |
|
Participante
| |
| Pesu | 62 kg |
| Altor | 171 cm |
 | |
Biografía
editar
Noemí Simonetto nació na ciudá d'Avellaneda. Ingresó primero al equipu d'atletismu del club River Plate y depués al del Club Atlético Independiente d'Avellaneda.
Nel Campeonatu Suramericanu de 1941, cuando tenía 15 años, ganó la medaya d'oru en postas de 4 por 100; tamién ellí llogró dos medayes de bronce, en saltu en llargu y en saltu n'alto.
Nel Campeonatu Suramericanu de 1943, llogró dos medayes d'oru, en saltu en llargu y en posta de 4 por 100, ganando tamién medaya de bronce en saltu n'alto.
Nel Campeonatu Suramericanu de 1945, ganó tres medayes d'oru (80 metros con valles, saltu en llargu y postas) y dos de plata (100 metros y saltu n'alto). Nesa oportunidá estableció la marca de 1,60 metros en saltu n'alto, que se caltuvo como récor arxentín por 25 años.
Nel Campeonatu Suramericanu de 1947 ganó cuatro medayes d'oru (100 metros, 80 metros con valles, saltu en llargu y postas) y medaya de plata en saltu n'alto.
Medaya de plata nos Xuegos Olímpicos de 1948
editarCon 22 años, Noemí llogró la medaya de plata en saltu en llargu con una marca de 5,60 metros. Simonetto caltuviérase al frente hasta la última ronda, siendo superada pola húngara Olga Gyarmati, nel últimu intentu, con 5,695 m.[2] Trátase de la primer medaya llograda por una muyer suramericana n'atletismu.[3] Noemí llegó tamién a semifinales de 80 metros con valles y corrió los 100 metros llanos, onde quedó esaniciada na primer ronda al salir tercera na so serie. Simonetto caltendríase compitiendo hasta la década de 1990 ya integraría tamién el Comité Olímpicu Arxentín.[4]
Meyores marques
editar
Les sos meyores marques fueron:
- 100 metros llanos: 12.2 (8 d'avientu de 1946).
- Saltu n'alto: 1,60 (2 de payares de 1946 y 8 d'avientu de 1946). Foi récor nacional hasta 1970.
- Saltu en llargu: 5,76 (16 de setiembre de 1945), récor suramericanu.[5]
En 1945, allugóse primer nel ranking mundial de 80 metros con valles, al establecer la marca de 11.5, y de saltu en llargu, con una marca de 5,76 metros.
Ver tamién
editarFuentes
editarReferencies
editar- ↑ Afirmao en: World Athletics database. Identificador World Athletics: 198662. Apaez como: Noemi Simonetto.
- ↑ "London 1948 part 1", London 1948, Olympic results, Wyniki igrzyzk olimpijskich (enllaz rotu disponible n'Internet Archive; ver l'historial y la última versión)..
- ↑ "Athletics at the 1948 London Summer Games: Women's Long Jump", Sports Reference.
- ↑ Strauss, Patricio El maratón nos xuegos olimpicos – Parte 13, Londres 1948, J. C. Max.
- ↑ Noemí Simonetto, Konex.
Enllaces esternos
editar- Noemí Simonetto, Sports Reference.
- Noemí Simonetto, Konex.
- Les Medayes Arxentines nos Xuegos Olímpicos (por xuegu), Secretaría de Deporte de la Nación Arxentina.
Datos: Q264689
Multimedia: Noemí Simonetto
