Nome de Nesut-Bity

(Redirixío dende Nome de Tronu)

El títulu de Nesut-Bity tá desvinculáu ensembre de cualesquier creyencia relixosa: tien calter xeográficu, asociando al rei a dos especies naturales carauterístiques de los ambientes del Altu y Baxu Exiptu, qu'ensamen los dominios del Rei como xunión de los contrarios.(F. Raffaele)

Thutmose II. Deir el-Bahari
Nome de Nesut-Bity o Nome de Tronu, significa: rei del Altu y Baxu Exiptu
M23
t
L2
t
Ca1SPACECa2

Nel Imperiu Mediu d'Exiptu, dinastíes XI y XII, los faraones recibíen cinco títulos. Amestaben al nome de nacencia otros cuatro más cuando algamaben el tronu.

Yeren los siguientes:

Nome d'Horus, Nome de Nebty, Nome d'Horus Doráu, Nome de Tronu y Nome de Sa-Ra (o nome de nacencia).

Yera la miente más avezada de representar un nome real, incluyéndolu dientro d'un caxullu, símbolu formáu por una cuerda ovalada colos cabos añudaos.

Surde a mediaos de la dinastía II con Sened, Neferkaseker y Peribsen , tamién s'utilizó demientres la dinastía III con Nebka y Huny, magar que'l so emplegu namái se fizo davezu dempués de la dinastía IV.

Seneferu, el primer rei de la dinastía IV, preconiza l'usu del caxullu endolcando el nome real; dende entós, el nome de Nesut-Bity, dientro del caxullu, sustituyó al nome d'Horus como títulu principal del faraón.

El Nome de Nesut-Bity ye'l más emplegáu nes Llistes Reales.