Norbulingka
El Palaciu Norbulingka, lliteralmente "La xoya del parque", ye un palaciu y el so parque que lu arrodia en Lhasa, nel Tíbet. El palaciu utilizóse como tradicional residencia braniza de los socesivos Dalái Lamas dende l'añu 1780 hasta la ocupación del país pola República Popular de China.
| Patrimoniu de la Humanidá — UNESCO | |
|---|---|
 Vista de la fachada del palaciu de Norbulingka. | |
| Llugar |
 China |
| Criterios | Cultural: i, iv, vi |
| Referencia | 707ter |
| Inscripción | 1994 (XVIII Sesión) |
| Área | Asia y Oceanía |
 | |
Historia
editarEl parque foi construyíu por Kelsang Gyatso, el 7º Dalái Lama, en 1755, y convirtióse en residencia de branu mientres el reináu de Jamphel Gyatso, el 8º Dalái Lama.
El primer edificiu en construyise foi'l Palaciu Gesang Pozhang, edificáu por Kelsang Gyatso. El Palaciu Nuevu foi empezáu en 1954 por orde del actual Dalái Lama Tenzin Gyatso, concluyéndose en 1956. El conxuntu ta formáu por capiyes, xardinos, fontes y estanques. Escontra l'oeste, el Kalsang Potang construyíu por Kelsang Gyatso ye "un bellu exemplu de l'arquiteutura de la tradición gelugpa (bonetes mariellos). La so sala del tronu totalmente restaurada ye bien interesante".[1]
Los xardinos son populares llugares de merienda y apurren un formosu escenariu pa espectáculos teatrales, danza y festivales, particularmente el Sho Dun, o Festival del Yogurt, que se realiza a empiezos d'agostu, con families qu'acampen nos terrenes mientres dellos díes, arrodiaes por coloríos tenderetes provisionales fechos con tapices y llenzos pa esfrutar del calor del branu.
El palaciu ta alcontráu a tres quilómetros al oeste del Palaciu de Potala, que yera'l palaciu d'iviernu. Edificios complementarios fueron creciendo nel parque mientres la primer metá del sieglu XX. Nel añu 2001, la Unesco inscribió'l Norbulingka na llista del Patrimoniu de la Humanidá como parte del Conxuntu históricu del palaciu de Potala.
Tamién esiste un zoo en Norbulingka, creáu orixinalmente pa guardar los animales que recibía'l Dalái Lama. Heinrich Harrer ayudó al XIV Dalái Lama a construyir ellí una pequeña sala de cine na década de 1950.
Bibliografía
editar- Dowman, Keith. 1988. The Power-places of Central Tibet: The Pilgrim's Guide. Routledge & Kegan Paul, London and New York. ISBN 0-7102-1370-0
- Bass, Catriona Bass. 1990. Inside the Treasure House: A Time in Tibet. Victor Gollancz, London. Paperback reprint: Rupa & Co., India, 1993.
- ↑ Dowman, Keith. 1988. The Power-places of Central Tibet: The Pilgrim's Guide. Routledge & Kegan Paul, Londres y Nova York. ISBN 0-7102-1370-0, páxs. 62-63.
Enllaces esternos
editar
Wikimedia Commons acueye conteníu multimedia sobre Norbulingka.
Datos: Q867537- Multimedia: Norbulingka
