Océanu Glacial Árticu

Océanu Glacial Árticu
Situación
División alministrativa	Alta mar
Tipu	océanu
Parte de	Océanu Atlánticu
Coordenaes	90°N 0°E / 90°N 0°E
Datos
Superficie	14 056 000 km²
Noamáu por	norte
Conca hidrográfica	cuenca hidrográfica del océano Ártico (es)
Fondura	5550 m (máximu); 1038 m (media)

L'océanu Árticu o océanu Glacial Árticu ye l'océanu más pequeñu de toos. Arrodia al Polu Norte y estiéndese al norte d'Europa, Asia y América. Tien una estensión d'unos 14.100.000 Km², y el calume d'esti océanu cimbla ente los 2.000 m y los 4.000 m na rexón central, y los 100 m na plataforma continental, siendo la so media d'unos 1205 m.

Enconta col Océanu Atlánticu pel norte, recibiendo mases d'agua a traviés del Estrechu de Fram y el Mar de Barents. Tamién enconta col Océanu Pacíficu a traviés del Estrechu de Bering.

Les descomanaes mases de xelu, protexen ya curien demientres tol añu a esti océanu de les influyencies atmosfériques. Na so estaya central pueden afayase casquetes de xelu d'hasta 4 m. d'espesor.

Les temperatures n'hibiernu algamen los -50º C, per aciu de los fuertes carbesones veníos dende Siberia (Rusia); metantu que nel branu cuasi non superen 0º C; na plataforma continental puede dase temperatures d'hasta 30º C.

Vida

Esisten unes 400 especies nesta faza de la Tierra. D'elles, la más conocía ye l'osu polar, el mayor carnívoru del llugar. Puede algamar un pesu de 800 kg y aliméntase de foques y pexes, magar que si nun llogra atrapalos camuda la dieta por mofu y lliques.

Seis especies de foques viven nel llugar, magar que'l so númberu va amenorgando dende'l sieglu XIX pola mor del so depredador natural, l'osu polar, y la caza indiscriminao del home, yá que'l so pelleyu y grasa son abondo preciaes. Otru poblaor típicu ye'l xibarte, tamién amenazáu y qu'anguaño tá protexíu. Otru habitante, diminutu pero importante ye el krill, que desendolca un papel importantísimu na cadarma alimenticia de la rexón polar.

Referencies

↑ «Five Deeps Expedition is complete after historic dive to the bottom of theArctic Ocean».
↑ URL de la referencia: https://www.marianatrench.com/mariana_trench-oceanography.htm.

Enllaces esternos

Los cinco océanos de la Tierra

[0e51ca588b378b13b0d4ba05bf249a6aa943a267-1] «Five Deeps Expedition is complete after historic dive to the bottom of theArctic Ocean».

[fc6b8bf1f1014f5c5cc4fd751c9ab5dfdc9631fc-2] URL de la referencia: https://www.marianatrench.com/mariana_trench-oceanography.htm.

Océanu Glacial Árticu

Situación

División alministrativa	Alta mar
Tipu	océanu
Parte de	Océanu Atlánticu
Coordenaes	90°N 0°E / 90°N 0°E / 90; 0
Datos
Superficie	14 056 000 km²
Noamáu por	norte
Conca hidrográfica	cuenca hidrográfica del océano Ártico ^(es)
Fondura	5550 m (máximu) 1038 m (media)