Alta mar

Nel Drechu Internacional, conozse como Alta Mar toles partes del mar que nun tán incluyíes na zona económica esclusiva, el mar territorial o les augües interiores.

L'alta mar ta abierta a tolos estaos y nella tienen les llibertaes que vienen darréu:

A) La llibertá de ñavegación.

B) La llibertá de sobrevuelu.

C) La llibertá de tender cables y tuberíes submarines, de facer islles artificiales y otres instalaciones permitíes pol drechu internacional.

D) La llibertá de pesca

E) La llibertá de pesquisa científica.

Dengún estáu va poder someter denguna parte a la so soberanía. Sicasí, la llibertá de l'alta mar nun inclúi la esploración y esplotación de los recursos naturales asitianos nos fondos marinos y el so subsuelu que tean perbaxo d'aquelli.

Amás, los barcos que tean n'alta mar nun tienen más xurisdicción que la del estáu de la so bandera.

Esceiciones a la xurisdicción

• Abordaxe: Cualsiquier otru incidente na ñavegación qu'implique responsabilidá penal.
• Tresporte d'esclavos: Tolos buques de guerra tienen drechu de visita si albidren sospeches de qu'un barcu tresportare esclavos.
• Piratería: Tolos buques de guerra o aeronaves puen apresar n'alta mar a un buque pirata capturáu como consecuendia d'actos de piratería que tea en poder de pirates y detener a les persones ya incautares de los sos bienes.
• Tresmisiones non autorizaes de radio y televisión: Toa persona que les faiga, podrá ser procesada.

Enllaces esternos

• Datos: Q25855