Oficina d'Alministración y Presupuestu

Oficina d'Alministración y Presupuestu
	Office of Management and Budget (en)
	axencia federal de los Estaos Xuníos
Llocalización
Sede	Edificio de oficinas ejecutivas Eisenhower (es)
Direición	Estaos Xuníos
Historia
Fundación	1970
Organigrama
Presidente	Shalanda Young (17 marzu 2022)
Participación empresarial
Organización matriz	Oficina Executiva del Presidente de los Estaos Xuníos
Filiales	ver United States Chief Information Officers Council (en) ; Office of Information and Regulatory Affairs (en) ; Office of Federal Procurement Policy (en) ;
Datos económicos
Emplegaos	529
	Web oficial

La Oficina d'Alministración y Presupuestu (inglés: Office of Management and Budget, OMB) ye una de les axencies que formen parte de la Oficina Executiva del Presidente de los Estaos Xuníos. Fundada en 1921 col nome d'Oficina del Presupuestu (Bureau of the Budget), como una oficina encuadrada dientro'l Departamentu del Tesoru, foi renomada en 1939, añu nel que, nel contestu del Plan de Reorganización nº 1, pasó a depender de la Oficina Executiva del Presidente^[1]. La OMB tien como misión evaluar, formular y coordinar procedimientos de xestión y el cumplimiento d'oxetivos ente y dientro los diferentes departamentos y axencies federales. Tamién controla l'alministración del Presupuestu Federal, al tiempu que apurre al presidente recomendaciones sobro los presupuestos y sobre posibles lleis a desarrollar^[1].

La web de la OMB, aloxada dientru del dominiu web de la Casa Blanca, afirma que la misión de la OMB ye supervisar la implementación de la visión política del presidente en tolos departamentos y axencies que formen la rama executiva del gobiernu del país. Pa ello tien cinco funciones principales, qu'exerce sobro'l conxuntu del poder executivu^[2]:

Desarrollu ya execución del presupuestu.
Alministración, incluyendo nesti apartáu la supervisión del rendimientu de les axencies, les sos adquisiciones, el so manexu financieru y les cuestiones que cinquen a les tecnoloxíes de la información.
Coordinación y revisión de toles regulaciones federales de les axencies executives, política de privacidad, política de información y revisión y evaluación de solicitudes de recopilación de información; y
Autorización y coordinación de materiales llexislativos y d'otru tipu, incluyendo testimonios d'axencies, propuestes llexislatives, otres comunicaciones col Congresu y la coordinación d'otres acciones presidenciales.
Autorización de les órdenes executives del presidente y únviu de memoranda a l'axencia concernida por caúna primero de la so publicación y entrada en vigor.

Referencies editar

↑ ^1,0 ^1,1 Descripción de la Office of Management and Budget na web federalregister.gov, dependiente de la National Archives and Records Administration.
↑ Office of Management and Budget, entrada na web de la Casa Blanca.

Enllaces esternos editar

[:0-1] 1,0 ^1,1 Descripción de la Office of Management and Budget na web federalregister.gov, dependiente de la National Archives and Records Administration.

[2] Office of Management and Budget, entrada na web de la Casa Blanca.

[1]

[2]