La okupación, ye'l nome col que se conoz l'aición d'apropiase d'un edificiu o llugar abandonáu col envís d'utilizalu como vivienda o llugar d'aconceyamientu, dando a esti fechu amás un calter públicu ya vindicativu. La pallabra aplícase a vegaes al propiu edificiu, una vez okupáu o invadíu, y a les persones que lu utilicen se-yos suel conocer como okupes.

Llogo okupa

Los medios de comunicación nel casu d'España popularizaron la espresión Movimientu okupa, que nun siempres ye aceutada polos sos protagonistes.

Okupa editar

 
Casa Okupada (Viladecans)

La pallabra Okupa y los sos derivaos remanez, obviamente, d'ocupación. La ocupación de viviendes abandonaes esistió siempres, y n'España conoció un gran puxu demientres los años 1960 y 70, como forma de dar salida a la gran demanda xenerada pola afluyencia de población del campu a les ciudaes.

Los okupes xurden a mediaos de los 80 a imaxe y semeyanza de los squatters ingleses. Depués de delles duldes col alcuñu (pos nun esistía en castellán pallabra dala pa nomar la ocupación de viviendes y llocales), adopten el nome d'okupes, escritu con una k contracultural y punk. Pa los okupes, la estremancia ente ocupar y okupar reside nel calter políticu d'esta cabera aición, na que la toma d'un edificiu abandonáu nun ye sólo una fin sinón tamién un mediu pa denunciar les torgues d'accesu a una vivienda.

 

La pallabra okupa y los sos derivaos foi popularizada pola prensa de mou que, si bien nun ta reconocida académicamente, ye d'usu corriente tantu na llingua coloquial como nos medios de comunicación, ansí como nos diccionarios billingües como equivalente español del inglés squat. Por embargu, na so aceición popularizada pola prensa vien utilizándose pa designar a cualaquier que s'instale nuna vivienda abandonada, tenga esta aición calter políticu o non. El términu okupa pue designar tamién el llugar okupáu.

En cuantes a la espresión "movimientu okupa", ye tamién una creación periodística que tuvo una acoyida desigual, anque más bien mala, ente les persones a las que se refier. Munches afirmen radicalmente que nun esiste movimientu talu, sinón una multiplicidá de procesos d'okupación non necesariamente rellacionaos. En consonancia con esta idea, se suel preferir el plural movimientu d'okupaciones, y tovía más movimientu de los centros sociales, considerando que ye'l centru social lo que da sustantividá político al movimientu.
la pallabra okupa referida a persones se vien refugando estos caberos años por considerar que da un aire de tribu urbana a los qu'utilicen cases abandonaes pa vivir y mazcara la motivación real de les okupaciones: la gueta d'una vivienda o un espaciu de socialización y la denuncia de la especulación urbanística.

Movimientu Okupa n'Asturies editar

Ver tamién editar