Olimpia
Olimpia[1] (en griegu Ολυμπία, Olympía) foi una ciudá de l'antigua Grecia na prefeutura de Élide (nel Peloponesu). Atopábase al pie del monte Cronio y nel llau derechu del ríu Alfeo.
| Patrimoniu de la Humanidá — UNESCO | |
|---|---|
 | |
| Llugar |
 Grecia |
| Criterios | Cultural: i, ii, iii, iv, vi |
| Referencia | 517 |
| Inscripción | 1989 (XIII Sesión) |
| Área | Europa y América del Norte |
 | |
Historia
editarYe conocida por haber se celebráu nella, na Antigüedá, los primeros Xuegos Olímpicos, con una importancia comparable a los Xuegos Píticos que se celebraben en Delfos. Dambos celebraben cada olimpiada cada cuatro años. Los primeres de los que se tien constancia celebráronse en 776 e.C. A la fin del sieglu IV, l'emperador Teodosiu aboliólos.
Olimpia tamién foi famosa por ser un centru relixosu, y pola so xigantesca estatua d'oru y marfil de Zeus fecha por Fidias (tallada tres la victoria sobro los perses na Segunda Guerra Médica) la cual yera una de les Siete Maraviyes del Mundu. Cerca del templu, escavaciones arqueolóxiques atoparon el taller de Fidias, con numberoses ferramientes del escultor.
Les abondoses ayalgues acumulaes nel templu llevaron a que fuera escaláu polos arcadios. Dende 342 e.C., foi protectoráu d'Alexandru Magnu, qu'usó Olimpia p'anunciar el so Rescripto sobro los desterraos (del añu 324 e.C.).
Mientres la dominación romana, Olimpia arriquecióse, especialmente'l perímetru sagráu, el Altis, u Nerón mandó a construyir un palaciu. Tres la muerte d'Adrianu la ciudá entró en decadencia y los últimos xuegos celebráronse en 324. Les invasiones bárbares afararon la ciudá, que se convirtió nuna simple aldega pa dempués ser abandonada y soterrada polos ábanos del Alfeo.
Les escavaciones empezaron con una espedición francesa en 1829, siguida por alemanes a fines d'esi sieglu, quienes afayaron intacta la estatua d'Hermes (obra del escultor Praxíteles) amás d'otros artefautos. A mediaos del sieglu XX, l'estadiu foi desenterráu.
La llapa olímpica de los actuales Xuegos Olímpicos enciéndese nel estadiu d'esta ciudá per aciu del reflexu de la lluz solar nun espeyu parabólicu, dempués de lo que trespórtase nuna antorcha al llugar qu'acueye los xuegos (de normal dando un gran rodiu pasando peles principales ciudaes de tol mundiu).
Nos Xuegos Olímpicos de 2004, celebraos n'Atenes, les pruebes de llanzamientu de pesu celebráronse nel estadiu de Olimpia.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: olímpicu
Enllaces esternos
editar
Wikimedia Commons acueye conteníu multimedia sobre Olimpia.
Datos: Q38888- Multimedia: Ancient Olympia
