Omaha ye la ciudá más grande del estáu norteamericanu de Nebraska, y sede alministrativa del condáu de Douglas[1]. Asítiase nel Mediu Oeste d'Estaos Xuníos, a la vera'l ríu Missouri, unos 15 km al norte de la desembocadura del ríu Platte. Ye, con 486.051 habitantes nel censu de 2020[2], la 40º ciudá más poblada del país. La ciudá ye'l centru d'un área metropolitana biestatal, l'area metropolitana d'Omaha-Council Bluffs, que compriende ocho condaos de los estaos de Nebraska ya Iowa, tien una población de 967.904 habitantes[3] y ye la 58º mayor del país. Na rexón conocida como Gran Omaha (Greater Omaha) viven, nún radiu de 80 km alredor del Downtown Omaha, el distritu central de la ciudá, alredor de 1,5 millones de persones.

Omaha
Alministración
PaísBandera de Estaos Xuníos d'América Estaos Xuníos
EstaosBandera de Nebraska Nebraska
Condáu condáu de Douglas
Tipu d'entidá gran ciudá
Alcaldesa Jean Stothert
Nome oficial Omaha (en)
Nome llocal Omaha (en)
Omaxa (uz)
Códigu postal
Xeografía
Coordenaes 41°15′31″N 95°56′15″W / 41.2586°N 95.9375°O / 41.2586; -95.9375
Omaha alcuéntrase en los EE.XX.
Omaha
Omaha
Omaha (los EE.XX.)
Superficie 367.27 km²
Altitú 332 m
Llenda con
Demografía
Población 486 051 hab. (1r abril 2020)
Porcentaxe 100% de condáu de Douglas
24.78% de Nebraska
0.15% de Estaos Xuníos
Densidá 1323,42 hab/km²
Viviendes 189 922 (31 avientu 2020)
Más información
Fundación 1854
Prefixu telefónicu 402
Estaya horaria UTC−06:00
UTC−05:00
Llocalidaes hermaniaes
cityofomaha.org
Cambiar los datos en Wikidata
13-01-2022 20:18

La ciudá foi fundada en 1854 por especuladores inmobiliarios del condáu vecín de Council Bluffs (Iowa), na oriella del ríu Missouri. William Brown convenció a doce homes de negocios d'esi condáu de que la meseta d'Omaha sedría un llugar pa crear una ciudá: compraron tierres a los dos llaos del ríu y crearon una compañía de ferrys, la Lone Tree Ferry, pa facilitar el cruce[4]. Tuvieron ésitu, de forma que la ciudá convirtióse na puerta d'accesu ferroviariu al oeste del país, especialmente dempués de la inauguración, en 1872, del primer puente ferroviariu sobre'l ríu Missouri[5]. La ciudá foi, pola so posición central y esti accesu ferroviariu, un nudu de comunicaciones perimportante, y esto fizo que medrara la so población y favoreció'l desarrollu d'industries asociaes a esta condición. En 1898 la ciudá acoyó una esposición universal, la nomada Trans-Mississippi Exposition, y nel sieglu XX, los sos corrales y mataderos ficieron de la ciudá un centru de procesáu de carne de relevancia internacional.

Anguaño la ciudá ye la sede de cuatro compañíes incluyíes na llista Fortune 500: la sociedá tenedora Berkshire Hathaway, propiedá del inversor llocal Warren Buffett; la constructora Kiewit Corporation, una de les mayores del mundu; el grupu financieru y de seguros Mutual of Omaha; y el principal operador ferroviariu d'EEXX, la Union Pacific Corporation[6]. Y también d'otres cinco empreses de la llista Fortune 1000, del tercer bancu priváu mayor del país (el First National Bank of Omaha), de tres de les diez mayores compañíes d'arquitectura ya inxeniería del país[7] y de la perfamosa empresa d'asesoría y análisis Gallup Corporation. Ente los principales empleadores de la ciudá tán, amás d'elles, empreses de los sectores sanitariu y educativu y la base militar d'Offutt, de la Fuercia Aérea de los Estaos Xuníos.

Llocalidaes hermaniaes

Les ciudaes hermaniaes con Omaha son:

Ver tamién editar

Referencies editar

  1. «Find a County». National Association of Counties.
  2. «QuickFacts: Omaha city, Nebraska». United States Census Bureau.
  3. «2020 Population and Housing State Data». United States Census Bureau.
  4. Omaha Timeline, na web de la Douglas County Historical Society.
  5. Anuncia de l'apertura de la ponte ferroviaria d'Omaha nel diariu de Virxinia Occidental The Wheeling Intelligencer.
  6. Boettcher, Ross. "Mutual returns to Fortune 500". Omaha World-Herald. April 16, 2010. Retrieved April 28, 2010.
  7. Error de cita: La etiqueta <ref> nun ye válida; nun se conseñó testu pa les referencies nomaes BDC 2010
  8. URL de la referencia: https://www.braunschweig.de/leben/stadtportraet/partnerstaedte/omaha.php.
  9. URL de la referencia: https://portales.sre.gob.mx/coordinacionpolitica/index.php/entidades/152-veracruz.

Enllaces esternos editar