Orquesta Zohra
La Orquesta Zohra, tamién conocida como Orquesta de Muyeres Afganes o Ensemble Zohra, ye la primer orquesta d'Afganistán compuesta por muyeres dafechu. Lleva'l nome de la diosa de la música nos escritos perses. Fundada en 2015, atópase nel esiliu dende a toma de Kabul en 2021 polos talibanes.
| Orquesta Zohra | |
|---|---|
| orquesta | |
.jpg) | |
| Direición | Afganistán |
| Historia | |
| Fundación | 2014 |
 | |
Historia
editarLa Orquesta Zohra foi formada en 2015 en Kabul pol Institutu Nacional de Música d'Afganistán y el so fundador foi Ahmad Sarmast. L'institutu formóse en 2008 coles mires de brindar educación musical a los mozos afganos tres la lliberación de los talibanes, que gobernaron acutando severamente los derechos de les muyeres n'Afganistán.
Ye la primer orquesta d'Afganistán compuesta por muyeres dafechu. Ta llamada asina n'honor a la diosa de la música nos escritos perses, y tamién conocida como Orquesta y Conxuntu de Muyeres Afganes Zohra.[1][2]
Dende 2017, la Orquesta Zohra realizó delles xires d'altu perfil. Actuaron nel Foru Económicu Mundial y en 2019 realizaron una xira pel Reinu Xuníu, visitando'l Muséu Británicu de Londres y la Universidá d'Oxford.
Pal centenariu de la independencia afgana en 2019, la Orquesta Zohra visitó Australia en xira. El 12 y 14 d'ochobre de 2019, la orquesta realizó conciertos en Sydney y Melbourne. El primeru celebróse na Universidá de Monash y el segundu na Ópera de Sydney, con más de 1.500 asistentes. L'eventu foi entamáu a comuña pola Embaxada de la República Islámica d'Afganistán y el Gobiernu d'Australia pa celebrar simultáneamente los 50 años de relaciones diplomátiques oficiales ente dambos países.[2]
2021: los talibanes tomen el poder n'Afganistán
editarDempués de la toma de Kabul en 2021 polos talibanes, l'edificiu escolar del Institutu Nacional de Música d'Afganistán (la organización matriz de la orquesta) foi convertíu nuna base pol grupu guerrilleru Red Haqqani. Munchos instrumentos fueron destruyíos por orde de los talibanes, que prohiben el cantu instrumental y non relixosu. Delles muyeres y neñes de la orquesta pudieron salir d'Afganistán gracies al gobiernu de Qatar, pero la mayoría nun pudo faelo.[3] N'ochobre de 2021, les miembros de la orquesta axuntáronse nuevamente en DoḥaDoha, xunto con unos 100 estudiantes y profesores del Institutu Nacional de Música d'Afganistán qu'entamaben a treslladase a Portugal.[4]
La orquesta toca música tradicional afgana y tamién música clásica occidental.[5]
Reconocencies
editarZohra recibió numberosos premios, como'l Premiu Reina Soraya y el Premiu Freemuse en 2017, y el Premiu Montluc Resistance Lliberté al añu siguiente.[2][6]
Referencies
editar- ↑ «All-female orchestra from Afghanistan is a force for change» (inglés). NPR.org. Consultáu'l 2020-09-10.
- ↑ 2,0 2,1 2,2 «Afghanistan's Zohra Orchestra Attracted thousands of Visitors in Australia». Afghan Embassy, Canberra. Consultáu'l 2020-08-08.
- ↑ Zemaryalai (2021-09-03). «The day the music died: Afghanistan's all-female orchestra falls silent» (inglés). Reuters. Consultáu'l 2021-12-12.
- ↑ «Afghan all-female orchestra keeps music alive in exile» (inglés). France 24 (2021-10-26). Consultáu'l 2021-12-12.
- ↑ «Zohra Orchestra: All-Female Ensemble of Afghanistan - IDEAS» (inglés). www.ideas.org.au. Consultáu'l 2020-08-08.
- ↑ «Freemuse». Artists at Risk Connection (ARC) (2021-07-14). Consultáu'l 2022-11-30.
Enllaces esternos
editar
Wikimedia Commons acueye conteníu multimedia sobre Orquesta Zohra.
Datos: Q99600461- Multimedia: Zohra Orchestra
