Otero (Carrió)

(Redirixío dende Otero (Carreño))

Otero ye una entidá de población de la parroquia de Carrió, en Carreño.

L'INE establez qu'Otero ye una llugar de 33 habitantes (17 homes y 16 muyeres). El so códigu de referencia ye 33 014 040800. [1]

Alcuéntrase a una distancia de Candás, capital del conceyu, de 5,50 km. Tien una altitú máxima de 45 m sobre'l nivel del mar. Pal añu 2010 contaba con 19 viviendes, 17 principales y 2 non principales. [2]

ToponimiaEditar

Sobre'l topónimu Otero, díznos Xosé Lluis García Arias[3] que

"n'íntima rellación con ALTUM y ALTAREM formóse otra pallabra de gran vitalidá n'époques pasaes; referimonos a ALTARIUM (8 p. 6) variante d'ALTAREM y precursora d'outeiru > oteru que pervive en numberosos llugares (244 p. 54):
L’Outeiru (Cn, An, Ce, Vd), L’Auteiru (Sm, Cd), Outeiru (Ce, Sl), El Outeiro (Cs,Tp), Otero (, Go, Uv, Si, Llg, Ll, Mo), Oteru (Lr), L’Oteru (Lln, Pa, Pi, Vv, Llv), L’Otero (Ay, Si, No, Lla), Otero Roíles (Llg)."

El barriuEditar

La ilesia parroquial de San Llorienzu de Carrió, asítiase nesti barriu d'Otero, amás del palaciu de los Bernaldo de Quirós, que s'alcuentra n'estáu ruinosu. Tamién ye un edificiu destacable d'Otero'l palombar de Casa Rodrigo.

ReferenciesEditar

  1. Nomenclátor del INE, 2011[1]
  2. Nomenclator de la SADEI [2]
  3. Xose Lluis García Arias, "Toponimia Asturiana"[3]