Ottilie Assing
Ottilie Davida Assing (11 de febreru de 1819, Hamburgu – 21 d'agostu de 1884, París), foi una feminista, llibrepensadora y abolicionista alemana del sieglu XIX.
Ottilie Assing | |
|---|---|
 | |
| Vida | |
| Nacimientu | Hamburgu[1], 11 de febreru de 1819[2] |
| Nacionalidá |
 Hamburgu |
| Muerte | París[1], 21 d'agostu de 1884[2] (65 años) |
| Familia | |
| Hermanos/es | |
| Estudios | |
| Llingües falaes | alemán |
| Oficiu | política, escritora |
 | |
Primeros años de vida
editarNacida n'Hamburgu, Ottilie Assing yera la fía mayor d'un famosu físicu xudíu, David Assur, que se convirtiera al cristianismu y camudara el so apellíu pol de "Assing", y de Rosa Maria Varnhagen Assing, poeta y amiga d'otres escritores, como Clara Mundt y Fanny Lewald, amás d'una persona famosa nos círculos lliberales que sofitaben (anque nun consiguieron) una revolución social en 1848.[3] La so tía, Rahel Varnhagen, tenía unu de los salones lliterarios más famosos d'Europa.[4]
Tres la muerte de los sos padres y la Gran Quema d'Hamburgu de 1842, Assing y la so hermana Ludmilla marcharon a vivir col so tíu Karl August Varnhagen von Ense, activista revolucionariu y famosa figura lliteraria. La so esposa, y tía de Assing, Rahel Varnhagen, reconocida escritora xudía, finara yá diba tiempu. Ottilie dexaría la casa pa nun tornar enxamás, tres delles disputes col so tíu.
Carrera y vida personal
editarEn 1852 emigró a los Estaos Xuníos y asitióse en Nueva York y, más palantre, en Hoboken, Nueva Jersey. Calteníase económicamente escribiendo artículos pa el Morgenblatt für gebildete Leser y utilizó un seudónimu masculín.
Assing quedó impresionada en lleendo l'autobiografía Narrativa de la vida de Frederick Douglass" (Narrative of the Life of Frederick Douglass). En 1856 viaxó a Rochester pa una entrevista col autor, Douglass, col que forxó una amistá rápido. Mientres los siguientes 28 años acudierían xuntos a delles xuntes y convenciones.[5] De primeres Assing escribía testos sobre cultura y d'interés xeneral, pero llueu los sos escritos centraríense nel movimientu abolicionista. Mientres la so estancia n'Europa intentando reclamar l'heriedu de la so hermana (incluyendo los documentos de la so madre y los Varnhagen), Assing lleó nun periódicu que Douglass contraxera matrimoniu cola so secretaria, una muyer blanca y venti años más nueva, Helen Pitts. Entós daquella, yá fuera diagnosticada con cáncer de mama.
En 1884, Ottilie Assing suicidóse nun parque públicu de París n'inxiriendo cianuru. Quemóse tola so correspondencia con Douglass y este recibió'l so escasu heriedu, según el testamentu que Assing dexara na so habitación del hotel. La mayor parte de la fortuna familiar fuera regalada a otros, por un caprichu de la so hermana.
Trabayos
editar- Ottilie Assing: Jean Baptiste Baison. A Biography, 1851 , Verlag Meissner y Schirges, 1851, 126 p ([* http://sammlungen.ulb.uni-muenster.de/um/content/pageview/1870542 Digitalisat ]); Reimpresión por Nabu-Prenses, 2012, ISBN 978-1272741174, 142 S.
- Frederick Douglass: Slavery and freedom. Autobiografía del inglés apurrida por Ottilie Assing. Hoffmann y Riole, Hamburgu 1860. Digitalisat .
- Dellos artículos ya informes políticos anónimos: Telegraph for Germany; Seasons; Morning Journal for educated readers; Süddeutsche Post; Journal of Fine Arts; the German-American Conversations-Lexikon (Nueva York, 1870), según publicaciones periódiques de la socialdemocracia alemana.
- Christoph Lohmann (eds.): Radical Passion. Ottilie Assing's reports from America and letters to Frederick Douglass. Long, Nueva York o. Un. 1999, ISBN 0-8204-4526-6.
Llectures complementaries
editar- La so correspondencia con Douglass y los sos artículos nos Estaos Xuníos fueron publicaos en Radical Passion, editáu, traducíu y presentáu por Christopher Lohmann.[6]
- From German Cultural Criticism to Abolitionism: Ottilie Assing: "Zealous to give vent to her gall" (2002) de Britta Behmer.
- Love Across The Color Lines, de Maria Diedrich (Hill and Wang, 1999), una biografía bien especulativa sobre Assing que se centra na so rellación con Douglass.
- Douglass' Women: A Novel, por Jewell Parker Rhodes (Washington Square Press, 2003). Nesti trabayu de ficción histórica ambiciosu les pasiones de Douglass cobren vida na forma de dos muyeres: Anna Murray-Douglass y Ottilie Assing.[7]
Referencies
editar- ↑ 1,0 1,1 1,2 «WeChangEd».
- ↑ 2,0 2,1 Afirmao en: SNAC. Identificador SNAC Ark: w6836f57. Apaez como: Ottilie Assing. Data de consulta: 9 ochobre 2017. Llingua de la obra o nome: inglés.
- ↑ "LOVE ACROSS COLOR LINES."
- ↑ «Fatal Attraction». The New York Times CompanyThe New York Times Company. Consultáu'l 19 February 2016.
- ↑ Sr, Connie A. Miller (2008-11-13).
- ↑ The German-American Encounter: Conflict and Cooperation Between Two Cultures, 1800-2000 (en inglés).
- ↑ Rhodes, Jewell Parker (2003-09-23).
Enllaces esternos
editar- Sociedá Varnhagen d'Alemaña (alemán)
Datos: Q98643
Multimedia: Ottilie Assing
