Ouviñana (Cuideiru)
Ouviñana (Oviñana en castellanu) ye una parroquia del conceyu asturianu de Cuideiru. Dixebrada en 1944 de la de Soutu Lluiña, comprende'l tramu de costa y tierra qu'arrodia'l Cabu Vidíu (dende l'estremu oriental de la sablera de Vallina hasta l'occidental de la de San Pedru la Ribera), y tien una estensión de 4,26 km². Nella viven 529 habitantes (INE, 2007).
 Ouviñana | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cuideiru |
| Partíu xudicial | Pravia |
| Tipu d'entidá | parroquia d'Asturies |
| Xeografía | |
| Coordenaes | 43°34′20″N 6°14′13″W / 43.57218°N 6.23681°O |
  Ouviñana Ouviñana (Asturies) | |
| Superficie | 5.308 km² |
| Altitú | 106 m[1] |
| Llenda con | Soutu Lluiña |
| Demografía | |
| Población | 494 hab. (2020) |
| Porcentaxe |
10.06% de Cuideiru 0.05% de provincia d'Asturies 0.05% de Principáu d'Asturies 0% de España |
| Densidá | 93,07 hab/km² |
| Más información | |
| Estaya horaria | UTC+01:00 |
 | |
Ouviñana ta asitiada na fastera centru-norte del conceyu de Cuideiru. Llenda al noroeste, norte y noreste col mar Cantábricu; al este, cola parroquia de Samartín de Lluiña; y al sur y suroeste, cola de Soutu Lluiña.
Tocántenes al nome de los nucleos de población, a los vecinos gústa-yos dicir que viven n'Ouviñana, magar que nel nomenclator oficial apaecen nél namái que los nomes de los barrios: Rieguabaxu, Rieguarriba (ú s'alluga la ilesia parroquial de San Roque) y Vivigu.
Ún de los símbolos d'Ouviñana ye'l faru Vidíu, asitiáu sobre'l cabu homónimu, y arrodiáu de cantos d'unos 100 metros d'altura. N'Ouviñana hai bayura de riberes y sableros, ente los que destaquen: Vallina, El Sablón, El Gayu, El Gayín, Cueva, Peñadoria, Gradas, Sancidielllu, Maurieyu, Eiros, Purtiella, Puertochico o Castrillón.
Por mor de la erosión de les foles, embaxo'l faru Vidíu pue alcontrase una gran cueva conocida como la "Furna'l llau" o "La Ilesiona".
Ente los edifcios más importantes del pueblu tán la ilesia de San Roque, les escueles, la cofradía de pescadores, la capiella de Vivigu, o los molinos xunto al regatu que desemboca na sablera de Vallina. Tamién hai delles cases típiques d'esta fastera occidental asturiana, conocíes col nome de "mariñanas".
El segundu domingu de xunetu celébrase la Jira, nos tarrenos a la veriquina'l faru Vidíu. El 15, 16 y 17 d'agostu son les fiestes patronales de San Roque. Tamién hai otres fiestes menores como l'antroxu o San Xuan.
La Cofradía de Pescadores "S. Roque" atropa a los pescadores profesionales d'Ouviñana.
Referencies editar
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
Enllaces esternos editar
|
Parroquies de Cuideiru | 
|
|---|---|---|
| Cuideiru | Faéu | Nuviana | Ouviñana | Piñera | Samartín de Lluiña | San Xuan de Piñera | Soutu Lluiña | Vaḷḷouta | ||
Datos: Q3751178
