Abrir el menú principal
Páxina del Reichenau Primer na que ta escrita'l poema Pangur Bán.

Pangur Bán, tamién Mise agus Pangur Bán, ye un poema n'irlandés antiguu, escritu nel sieglu VIII alredor de l'abadía de Reichenau. Foi escritu por un monxu irlandés y trata del so gatu, llamáu «Pangur Bán», «batán blancu». A pesar de que'l poema ye anónimu, tien semeyances cola poesía de Seduliu Escotu, lo que fixo que dellos estudiosos especulen que Seduliu ye l'autor. N'ocho estrofes de cuatro llinies, l'autor compara les actividaes de gatu coles sos propies actividaes académiques.[1]

El poema calténese nel Primer de Reichenau (tift St. Paul Cod. 86b/1 fol 1v), agora curiáu n'abadía de San Pablo de Lavanttal. Una edición crítica del poema foi publicada en 1903 por Whitley Stokes y John Strachan nel segundu volume del Thesaurus Palaeohibernicus.[2] La más famosa de les munches traducciones al inglés ye la de Robin Flower. Na traducción de Wystan Hugh Auden, el poema foi clasificáu por Samuel Barber como l'octavu de los sos diez Cantares d'ermitañu (1952-3).

Na película animada de 2009 El secretu de Kells, fuertemente inspirada na mitoloxía irlandesa, unu de los personaxes secundarios ye un gatu blancu llamáu Pangur Bán, que llega en compañía del monxu Aidan d'Iona. Más tarde na película, el personaxe Aisling, cantando, llánza-y un conxuru que-y dexa convertirse temporalmente n'una criatura fantasmal.

ReferenciesEditar

  1. Greene y O'Connor, 1967
  2. Stokes y Strachan, 1904, p. 293–294

ReferenciesEditar

Enllaces esternosEditar