Parana

Parana ye una parroquia del conceyu asturianu de Ḷḷena. Ocupa l'estremu centruoriental del conceyu, y llenda: al este, nordeste y sureste col conceyu d'Ayer, al suroeste cola parroquia de Cabezón, al oeste cola de Las Puentes y al noroeste cola de Congostinas. Tien una estensión de 23,33 km² y una población (INE, 2010) de 40 habitantes. Estos repártense ente'l pueblu homónimu (38 habitantes) y les caseríes de Santandrés, que tien dos habitantes, y les de Navidiiḷḷu, La Polea y Viḷḷar, anguaño deshabitaes.

Parana
Alministración
País	España
Autonomía	Principáu d'Asturies
Provincia	provincia d'Asturies
Conceyu	Ḷḷena
Partíu xudicial	Ḷḷena
Tipu d'entidá	parroquia d'Asturies
Xeografía
Coordenaes	43°04′33″N 5°45′03″O
Parana Parana (Asturies)
Altitú	642 m
Demografía
Población	39 hab. (2020)
Porcentaxe	0% 0% 100% 0.37% d'España Principáu d'Asturies provincia d'Asturies Ḷḷena
Más información
Estaya horaria	UTC+01:00

El pueblu de Parana ta dividíu en dos barrios, Ḷḷugar de Riba y Ḷḷugar de Baxu, qu'arrodien al nucleu de La Casona, un caserón que ye nomáu tamién L'Hospital, porque cuenten que nelli hebo un albergue pa los caminantes que baxaben de los altos de Pendilla o de los de Payares. El calter principal d'esta casona queda perafitáu cola esistencia d'otru topónimu, Solaviḷḷa, que fala, xunto cola etimoloxía del nome del pueblu, de que'l llugar quiciabes fora, en tiempos, una villa.

Bibliografía

• Espediente colos topónimos oficiales de Ḷḷena
• VV.AA., Diccionario geográfico de Asturias. Uviéu, Editorial Prensa Asturiana, 2000.

Referencies

• Datos: Q16615980