Pastor roseus
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
L'estornín arrosáu[2] (Pastor roseus) ye una ave paseriforme de la familia de los estorninos, Sturnidae.[3]
Pastor roseus estornín arrosáu  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Sturnidae | |
| Xéneru: |
Pastor Temminck, 1815 | |
| Especie: |
P. roseus (Linnaeus, 1758) | |
| Sinonimia | ||
Sturnus roseus | ||
| Consultes | ||
| [editar datos en Wikidata] | ||
Descripción
editar_near_Hyderabad_W2_IMG_4837.jpg)
L'estornín rosáu habita l'área entendida ente l'este d'Europa hasta la zona templada del sur d'Asia. Ye una ave migratoria que pasa los iviernos n'India y n'Asia tropical. Pel hibiernu, n'India, suel superar en númberu a los estorninos locales y a les mines.
L'adultu d'esta especie estrémase bien fácilmente, col so cuerpu rosáu, les sos pates y picu de color naranxa maciu y cola so cabeza, ales y cola negra. Los machos na temporada reproductiva tienen les plumes de la cabeza más estendíes, formando una cresta; ésta ye más curtia pel hibiernu y les árees negres desenvuelven plumes de tonos más pálidos, que sumen cuando l'ave repluma al averase la temporada de reproducción.
Les femes tienen una cresta curtia y son más pálides en xunto, especialmente ensin el contraste sópitu ente'l rosa y el negru. Los pichones pueden estremase del estornín pintu pol so plumaxe más claru y el so picu curtiu y mariellu. Presenten una versión más nidia del plumaxe adultu, ensin la cresta. Adquieren el plumaxe d'adultos al llegar al añu d'edá nes femes y a los dos años, aproximao, nos machos. Los postreros nel so segundu añu tienen un plumaxe similar a les femes adultes pero con crestes más llargues y con cantos de plumes notablemente pálidos.
L'estornín rosáu ye una ave qu'habita na estepa y nes tierres destinaes a l'agricultura. Na dómina en qu'abonden los saltapraos y otros inseutos, puede migrar lloñe del so hábitat, hasta llugares tales como Francia y el Reinu Xuníu.
Ye una especie que forma colonies, y como los demás estorninos, ye gregariu y forma grandes bandaes pel hibiernu. Tamién comparte la dieta omnívora de los demás estorninos, con una marcada preferencia polos inseutos.
El cantar ye un amiestu típico de los estorninos, con chirríos y traqueteos, acompañaos por un gran movimientu d'ales.
Sinonimia
editar- Sturnus roseus
Referencies
editar- ↑ [1] datazone.birdlife.org/
- ↑ URL de la referencia: http://www.sabencia.net/nomenclator.php.
- ↑ Jønsson & Fjeldså, 2006.
Bibliografía
editar- Jønsson, Knud A. & Fjeldså, Jon (2006): A phylogenetic supertree of oscine passerine birds (Aves: Passeri). Zool. Scripta 35 (2): 149–186.
- Snow, David W.; Perrins, Christopher M.; Doherty, Paul & Cramp, Stanley (1998): The complete birds of the western Palaearctic on CD-ROM. Oxford University Press. ISBN 0-19-268579-1.
Enllaces esternos
editar
Wikimedia Commons acueye conteníu multimedia sobre Pastor roseus.
| Wikispecies tien un artículu sobre Pastor roseus. |
Datos: Q20823352- Multimedia: Pastor roseus
Especies: Pastor roseus
