Patada baxa
La patada baxa, más conocida nos deportes de combate cola denomación inglesa de low-kick, ye una téunica de pierna utilizada en dellos tipos de boxéu con pies y puños (Boxéu birmanu, Kick-boxing y Muay Thai) y en delles artes marciales, que consiste en solmenar una patada al miembru inferior (muslu o pantorría) del adversariu. Dependiendo de los reglamentos deportivos, pue solmenase al esterior y/o al interior de la pierna, inclusive cola caniella.
Nel combate a contautu plenu (el llamáu K.O. system) permítese debilitar la capacidá de los miembros inferiores del otru en visu a que nun sía a usar les piernes, ello ye l'amenorgamientu de la maña, la estabilidá y la movilidá.
En cuantes a cutir nes piernes, los boxeos del sureste asiáticu (boxéu birmanu, boxéu laosianu, boxéu thai y boxéu vietnamita) comparten l'usu de distintes pataes. Atopamos:
- la patada circular (roundhouse-kick)
- la patada semicircular (semicircular-kick)
- la patada “de palu” (stick-kick, crescent-kick)
- la patada direuta (front-kick y side-kick)
- la patada de ganchu (hook-kick)
- la patada-hachu (hammer-kick, axe-kick).
Nel kick-boxing (sía americanu o xaponés) esti tipu de pataes inclúi solamente la “circular” o la “semicircular” acordies al reglamentu internacional. Amás nos combates por títulos profesionales, hai federaciones internacionales qu'autoricen les pataes direutes.
Na codificación téunica del Boxéu Francés o Savate, la espresión “coup de pied bas” refierse a una patada diferente. El “coup de pied bas” de golpe o de barríu ye una téunica de tipu equilibráu llanzando la pierna dende’l carril, y que pue algamar oxetivos perbaxo la rodiya. Autorícense amás otres formes de golpiar el miembru inferior cola condición de que respeten el principiu de golpada (sobre too l'”agrupamientu carauterísticu” enantes de golpiar). El “fouetté bas” (circular cola rodiya) correspuéndese aproximao col low-kick circular de les otres disciplines.
-
Namái garrar la pierna, respuesta en patada circular sobre la pierna de contéu -
Puñetazu en contra sobre un ataque en patada circular a la llinia baxa -
Patada frontal de parada sobre’l muslu contrariu -
Patada llateral a la contra
Wikimedia Commons tien conteníu multimedia tocante a Kickboxing.
