Pelayo Sánchez

Pelayo Sánchez
Vida
Nacimientu	Teyego, 27 de marzu de 2000 (24 años)
Nacionalidá	España
Estudios
Llingües falaes	castellanu
Oficiu
Oficiu	ciclista
Trayeutoria
	Participante UCI Europe Tour 2020 (es) (1288.); 2021 UCI World Ranking (en) (1545.); UCI Europe Tour 2021 (es) (1088.); UCI World Ranking 2020 (es) (1746.); 2023 UCI World Ranking (en) (241.); 2024 UCI World Ranking (en) (160.) ;

Pelayo Sánchez Mayo (27 de marzu de 2000, Teyego) ye un ciclista profesional asturianu del equipu Movistar.

Ye un ciclista completu, bon rodador y contrarreloxista. Pasa relativamente bien el monte. En grupos pequeños pue ser un buen sprinter. Destaca como cazador d'etapes dende les fugues.

Nel so palmarés destaca la victoria na sesta etapa del Giro d'Italia de 2024.

Trayeutoria

Entamos como profesional en Burgos-BH

Pelayo Sánchez convirtióse en profesional en 2021 col Burgos BH. Nun llogró grandes resultaos esi añu, pero foi seleicionáu pol so equipu pa competir na Vuelta a España 2021.^[2]

Na temporada 2022 terminó la Volta ao Alentejo (Portugal) en séptimu llugar, siendo'l meyor mozu. Nel añu 2023 ganó la última etapa de la Vuelta a Asturies y la primer etapa del Grande Prémio Internacional Beiras e Serra da Estrela (Portugal), llogrando'l tercer llugar na clasificación xeneral.

Vuelta a España 2023

La so meyor actuación llegó na Vuelta a España. Na ventiava etapa, con final en Guadarrama, colóse na fuga de salida. Un ataque a setenta quilómetros de meta esbilló al grupu de fugaos. Nesti grupu quedaríen corredores como Wout Poels y Remco Evenepoel, que seríen finalmente'l primeru y segundu de la etapa. Pelayo tuvo fuercies pa lluchar el sprint, terminando en tercer llugar.

Fichaxe pol Movistar

Toes estes actuaciones llevaron al so fichaxe por un equipu World Tour, el Movistar Team, anunciáu n'ochobre de 2023. Nel aniciu de la temporada llogró la victoria nel Troféu Pollença - Port d'Andratx (Mallorca). N'abril remató na octava posición la Vuelta a Asturies y foi incluyíu nel equipu del Giro d'Italia.

Giro d'Italia 2024

Pelayo allegaba al Giro coles mires de integrarse nes fugues y ganar dalguna etapa. Consiguiólo yá na sesta etapa, con final en Rapolano Terme, na provincia de Siena. Infiltróse na escapada inicial y, tres dellos ataques ente los fugaos, quedó en cabeza xunto a Julian Alaphilippe y Lukas Plapp. Alaphilippe llanzó'l sprint final; Pelayo, siempres a la so rueda, consiguió superalo nos metros finales.

Asímismo, tuvo nes escapaes de les etapes 19ª y 20ª. Na primera d'elles remató segundu, a un minutu del vencedor. Na xeneral llogró'l cuarentanu puestu, a más de dos hores del ganador.

Resultaos en Grandes Vueltes

	2021	2022	2023	2024
Giro d'Italia	—	—	—	40º
Tour de Francia	—	—	—	—
Vuelta a España	84ᵘ	—	37ᵘ	—

—: nun participa
Ab.: abandona

Referencies

↑ URL de la referencia: https://www.eurosport.fr/cyclisme/pelayo-sanchez_prs581717/person.shtml.
↑ «2021 La Vuelta ciclista a España Starlist». ProCyclingStats. Consultáu'l 13 d'agostu de 2021.

Enllaces esternos

Pelayo Sánchez n'Instagram
Pelayo Sánchez en Twitter
Ficha de Pelayo Sánchez en ProCyclingStats
Ficha de Pelayo Sánchez na web de la Xunión Ciclista Internacional
Ficha de Pelayo Sánchez en Cycling Archives
Ficha de Pelayo Sánchez en FirstCycling

[1fc8b39ccbcd3ec27a0d3b4a3d35dcfa660cb6aa-1] URL de la referencia: https://www.eurosport.fr/cyclisme/pelayo-sanchez_prs581717/person.shtml.

[2] «2021 La Vuelta ciclista a España Starlist». ProCyclingStats. Consultáu'l 13 d'agostu de 2021.

[1]

[2]