Perceval
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Perceval, tamién conocíu como Parzival, Parsifal o Percibal, ye ún de los llexendarios Caballeros de la Mesa Redonda del rei Arturu. Na lliteratura galesa'l so nome ye Peredur. Ye afamáu principalmente pola so participación na busca del Santu Grial.
| Perceval | ||
|---|---|---|
Personaxe de Parsifal (es)  | ||
 | ||
| Universu |
universo artúrico (es) | |
| Información | ||
| Sexu | masculín | |
| Ocupación | caballeru | |
| Cónxuxe |
Condwiramurs (en) | |
| Padres |
Rey Pellinore (es) | |
| Fíos |
Lohengrin (en) | |
| Familiares |
Sir Agloval (es) y Sir Lamorak (es) | |
| [editar datos en Wikidata] | ||
Hai munches versiones de la nacencia de Perceval. Na mayoría de les fontes ye de trubiecu noble, siendo'l so pá bien el rei Pellinore, bien otru caballeru llumbríu. La so ma nun suel ser nomada pero dacuando desempeña un papel emportante nes hestories. La so hermana ye la portadora del Santu Grial, y dacuando se la llama Dindrane anque n'otres ye la so prima Elaine de Corbenic. Nes hestories nes que ye fíu de Pellinore los sos hermanos son Sir Tor, Sir Aglovale, Sir Lamorak y Sir Dornar.
En morriendo'l so pá, la ma de Perceval llévalu a los montes de Gales onde lu criya ensin les xeres propies de los homes fasta los 15 años. Sicasí, finalmente un grupu de caballeros traviesa'l monte y Perceval queda plasmáu pola so traza heroica. Queriendose tornar en caballeru, el mozu viaxa fasta la corte del rei Arturu, onde en probando la so valía como guerreru ye investíu caballeru y convidáu a xunise a los Caballeros de la Mesa Redonda.
Inclusive nes hestories más antigües Perceval ta rellacionáu cola busca del Santu Grial. En Perceval, el Cuentu del Grial de Chrétien de Troyes, atopa al derramáu Rei Pescador y ve'l Santu Grial, pero nun llogra facer la entruga que curaría al firíu monarca. Tres deprender de los sos error fai votu de tornar a alcontrar el castiellu del Grial y completar la busca.
En rellatos d'atrás, l'auténticu héroe del Grial ye Galahad, el fíu de Lanzarote. Pero anque'l so papel nos romances afiguraba amenorgáu, Perceval siguió siendo un personaxe emportante y foi ún de los dos únicos caballeros (siendo l'otru Bors) qu'acompañaben a Galahad al castiellu del Grial y llograben completar la busca.
Nes versiones antigües l'amada de Perceval yera Blancaflor y tornábase en rei de Carbonek tres curar al Rei Pescador, pero en versiones d'atrás yera un caballeru ceibu que morría antes d'algamar el Grial. Na versión de Wolfram, el fíu de Perceval yera Lohengrin, el caballeru del cisne.
Na dómina moderna la so hestoria foi usada en cierta variedá de reellaboraciones como'l poema modernista de T. S. Eliot La tierra baldero, la ópera de Richard Wagner Parsifal, la película de John Boorman Excalibur y la novela y película The Natural. Nel cine les películes propies d'esti personaxe, foron con Parsifal de Daniel Mangrané y Carlos Serrano de Osma, en 1952 y Parsifal de 1981 dirixida por Hans-Jürgen Syberberg.
Chrétien de Troyes escribió la primer hestoria de Perceval: Perceval, el Cuentu del Grial. Otros afamaos rellatos de les sos aventures son Parzival de Wolfram von Eschenbach, La muerte d'Arturu de Thomas Malory y el teóricu Perceval de Robert de Boron.
Imáxenes
editar
|
Referencies
editarEnllaces esternos
editar
Wikimedia Commons acueye conteníu multimedia sobre Perceval.- Perceval nel Camelot Project na Universidá de Rochester (n'inglés)
