Pieza de calter

Pieza de calter ye una traducción lliteral del alemán Charakterstück, un términu non bien precisamente definíu, usada pa una amplia cantidá de la música para pianu del sieglu XIX basada nuna idea simple o nun programa. El términu ye menos frecuentemente aplicáu a la música pa otros preseos (nunca la voz humana) con acompañamientu pianístico, pero más de cutiu frecuentemente pa ensambles más grandes.

Les pieces de calter son esenciales na música del Romanticismu, y son esenciales p'aquellos movimientos nos qu'interesa la evocación de maneres o momentos particulares. Lo qu'estrema a les pieces de calter ye la especifidad de la idea que remembren. Munches pieces de calter tán compuestes en forma ternaria, pero nun ye una carauterística universal. Una traza común ye la intención d'otorga-yos títulos espresivos, tales como Voyage autour de ma chambre ("Viaxe alredor del mio cuartu") de Stephen Heller, un exemplu tempranu del xéneru. Otres pieces de calter tienen títulos que suxeren la brevedá y singularidá del conceutu, tales como les bagateles de Beethoven o los preludios de Debussy, o construcción casual: el títulu Impromptu ye común. Munchos nocherniegos y intermezzi son tamién pieces de calter, ente ellos los de Chopin y Brahms, respeutivamente.

Grupos amplios de munches pieces de calter individuales, pensaos pa ser tocaos en xunto, nun son pocu comunes; munches obres de Schumann nesta forma (por casu Kreisleriana y Antroxu) son los exemplos más conocíos. A finales del sieglu XIX y entamos del XX, a midida que la música pa pianu foise faciendo más ambiciosa y grande n'escala, l'algame de lo que puede entendese por pieza de calter tamién s'estendió. El New Grove Dictionary cita'l "Festival de los Llabradores Xitanos" de Smetana y "The Oarsman" de Sibelius como exemplos d'esti últimu enclín.

Referencies

Brown, Maurice J.Y. "Character piece." Grove Music Online, http://www.grovemusic.com.
Randel, Don Michael. Harvard Concise Dictionary of Music. Harvard UP, 1978.